O‘zLiDeP tashabbusi bilan Surxondaryoda 79 nafar xotin-qiz va yosh bolalar tibbiy ko‘rikdan o‘tkazildi
05.03.2018, 18:28
O‘zLiDeP Surxondaryo viloyat Kengashi tashabbusi bilan Uzun tumanidagi “Mexnat” MFYda “Sog‘lom oila-mustahkam oila” loyihasi doirasida tibbiy ko‘rik tashkil etildi.
Tadbirda mutaxassislar tomonidan ona va bola salomatligini muhofaza qilish, xotin-qizlarning reproduktiv salomatligini ta’minlash, bepul tibbiy ko‘rikdan o‘tish, davolanish hamda boshqa imtiyozlar, ulardan foydalanish tartibi, qizlarning erta turmushga chiqishining salbiy oqibatlari, joylardagi mavjud skrining va perinatal markazlarida yaratilgan sharoitlar haqida batafsil ma’lumotlar berildi.
-Anchadan buyon eslash qobiliyatim yomonlashib borayotganini his qilsamda uy yumushlari bilan band bo‘lib, o‘z sog‘ligimga e’tibor qilmagan edim, - deydi Nodira Jabbarova. - O‘zLiDeP tashabbussi bilan mahallamizda o‘tkazilgan tibbiy ko‘rik davomida tuman tibbiyot birlashmasi shifokorlari tomonidan tibbiy tekshiruvdan o‘tdim. Ko‘rik davomida shifokorlar menda yod yetishmasligi sababli buqoq kasalligi alomatlari paydo bo‘lganini aniqlashdi va bepul davolanish uchun yo‘llanma berishdi. Buning uchun tadbir tashkilotchilaridan minnatdorman.
Ta’kidlash kerak, tibbiy ko‘rik davomida 79 nafar xotin-qiz va yosh bolalar bepul tibbiy ko‘rikdan o‘tkazildi.
Murod EShNAZAROV,
O‘zLiDeP Surxondaryo viloyat
Kengashi matbuot kotibi
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
Fikringizni qoldiring