O‘zLiDeP “Jom” MFY hamshiralariga patronaj sumkalar tarqatdi
04.04.2018, 17:58
O‘zLiDeP Nurobod tuman Kengashi “Ayollar qanoti” tomonidan “Jom” MFYda “Xotin-qizlarning ma’naviy xavfsizligini ta’minlashdagi muammolar va ularni bartaraf etish yo‘llari” mavzuida davra suhbati tashkil etildi.
Tadbirda xotin-qizlar o‘rtasida zararli illatlar tarqalishining oldini olishga qaratilgan chora-tadbirlar ishlab chiqish va amalga oshirish, jinoyatchilik, o‘z joniga qasd qilish kabi salbiy holatlarni bartaraf etish, shuningdek, alkogolizm va giyohvandlik vositalariga ruju qo‘ygan ayollarga tibbiy-ijtimoiy yordam ko‘rsatishga qaratilgan amaliy ishlar ko‘lamini yanada kengaytirish lozimligi ta’kidlandi.
–Bugun ayrim ota-onalar erta turmush, qarindoshlar o‘rtasidagi nikohning salbiy oqibatlarini ko‘ra bila turib, shoshma-shosharlik va o‘zboshimchalik bilan to‘y boshlayapti, – deydi O‘zLiDeP Nurobod tuman Kengashi raisi o‘rinbosari - apparat rahbari M.Usanova. – Shu bois partiyamiz tomonidan kasb-hunar kollejlarida “Sog‘lom oila-mustahkam oila” loyihasi doirasida turli targ‘ibot-tashviqot ishlari olib borilmoqda. Ularda esa qiz bolani barvaqt turmushga berish, erta farzand ko‘rish va qarindosh-urug‘lar o‘rtasidagi nikohlarning salbiy oqibatlari, nikohdan oldin tibbiy ko‘rikdan o‘tishning zarurligi tushuntirilyapti.
Tadbir davomida hududlardagi tibbiyot muassasalari hamshiralariga patronaj sumkalar tarqatildi.
O‘zLiDeP Samarqand viloyat
Kengashi matbuot xizmati
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
Fikringizni qoldiring