O‘zLiDeP Toshkent shahar Kengashi “Ayollar qanoti”  Oliy va o‘rta maxsus ta’lim vazirligi, O‘zbekitston xotin-qizlar qo‘mitasi va “Olima ayollar” uyushmasi bilan hamkorlikda “Ayol va jamiyat: taraqqiyotning yangi pog‘onasida” mavzusida ilmiy-amaliy anjuman tashkil etdi.

– Prezidentimiz tomonidan xotin-qizlar tadbirkorligini qo‘llab-quvvatlash, ayollar tadbirkorligiga oid me’yoriy-huquqiy hujjatlarni takomillashtirish bo‘yicha qator farmon va qarorlar qabul qilinmoqda, – deydi Oliy Majlisi Qonunchilik palatasi deputati, O‘zLiDeP fraksiyasi a’zosi Dilorom Fayziyeva. – Mazkur imtiyozlar kichik biznesni kreditlash, xorijdan xom ashyo olib kelish, eksport-import operatsiyalarini rivojlantirish, bo‘sh turgan bino-inshooatlarni ijaraga berish tizimini soddalshtirishga xizmat qilayotir. Mamlakatimizda qulay ishbilarmonlik muhitini yaratmoqda. Bugungi tadbirda ayollar tadbirkorligiga berilayotgan ana shunday imtiyozlarni xotin-qizlarga tushuntirishga harakat qildik.

O‘zbekiston Davlat jahon tillar universitetida tashkil etilgan anjumanda “Olima” uyushmasi raisi H.Murtazayeva, tarix fanlari doktori, professor E.Xoliqovalar tomonidan ayollarning ijtimoiy faolligini oshirish, ularning siyosiy bilimini kengaytirishga qaratilgan maruzalar ham tinglandi.

O‘zLiDeP Toshkent shahar

 Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!