O‘zLiDeP Qoraqalpog‘iston Respublikasi Kengashi  Qoraqalpog‘iston Respublikasi Jo‘qorg‘i Kengesidagi O‘zLiDeP fraksiyasi  bilan hamkorlikda Kegeyli tumanidagi “Jalpaq jap” OFYda sayyor qabul tashkil etdi.

Sayyor qabulda aholi tomonidan kelib tushgan 20ga yaqin murojaatlar mutasaddi tashkilot rahbarlari tomonidan o‘rganilib, ularning salmoqli qismi joyida hal etildi.

– Suvsiz dehqonchilikni qilib bo‘lmaydi, – deydi “Xojaniyazov Qudiyar” fermer xo‘jaligi rahbari Jumamurat Xojaniyazov. – Ochig‘ini aytish kerak, hozirga qadar bizni qiynaydigan eng katta muammo yerni o‘z vaqtida sug‘orish edi. Boisi, shu kungacha yerimizga to‘g‘ridan-to‘g‘ri keladigan suv yo‘li bo‘lmagan. To‘g‘ri, bu masala bo‘yicha tegishli tashkilotlarga murojaat qildik, lekin natija bo‘lmadi. Mutasaddilarga rahmat, ularning tashabbusi bilan yerimizgacha 1 kilometrlik suv yo‘li qazib beriladigan bo‘ldi.

Uchrashuv davomida kam ta’minlangan oilalar ro‘yxatida turuvchi fuqaro  Jamila Otegenova  va Miyrigul  Baltabayevaning gaz plitasi olishda yordam so‘rab qilgan murojaati ham tuman Kasaba uyushmasi homiyligida joyida hal etildi va ularning uyiga gaz plitasi yetkazib berildi.

        O‘zLiDeP Qoraqalpog‘iston Respublikasi

 Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!