Xalq deputatlari Jomboy tuman Kengashidagi O‘zLiDeP deputatlik guruhining navbatdagi yig‘ilishida O‘zbekiston Respublikasi Prezidentining 2017  yil 30 sentyabrdagi “Maktabgacha ta’lim tizimi boshqaruvini tubdan takomillashtirish chora-tadbirlari to‘g‘risida”gi Farmonida belgilab berilgan maktabgacha ta’limning nodavlat tarmog‘ini kengaytirish bo‘yicha olib borilayotgan ishlar yuzasidan tumandagi mutasaddi tashkilot rahbari axboroti eshitildi.

Jomboy tuman maktabgacha ta’lim bo‘limi boshlig‘i Shohista Mardiyeva bergan ma’lumotga qaraganda, bugungi kunda Jomboyda 29 ta maktabgacha ta’lim muassasasi faoliyat ko‘rsatayotgan bo‘lib, shundan 28 tasi davlat tasarrufidagi, 1 tasi esa xususiy sherikchilik asosida tashkil etilgan – “Anora ona bolajonlari” nodavlat maktabgacha ta’lim muassasasidir. Mazkur xususiy bog‘cha zamonaviy tipda qurilgan bo‘lib, 2018 yil 31 may kuni rasman ish faoliyatini boshladi. Ushbu muassasa 75 o‘ringa mo‘ljallagan bo‘lib, hozirda bu yerda 20 nafar bola tarbiyalanayapti.

– Joriy yilda Jomboy tumanida davlat – xususiy sheriklik shaklida maktabgacha ta’lim muassasalari qurish uchun jami 16 nafar tadbirkor tuman hokimiga ariza bilan murojaat qilgan, – deydi tuman maktabgacha ta’lim bo‘limi boshlig‘i Shohista Mardiyeva. – Hozirgi kunga qadar 8 nafar tadbirkorga yer ajratish bo‘yicha hokim qarori chiqarilgan.

Yig‘ilishda bildirilgan taklif va mulohazalar atroflicha o‘rganilib, deputatlik guruhining tegishli qarori qabul qilindi. 

Baxtigul Qarshiyeva

O‘zLiDeP Samarqand viloyat

Kengashi matbuot kotibi

O‘zLiDePning Facebook hamda Instagram'dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!