O‘zLiDeP Toshkent shahar Kengashi “Ayollar qanoti” faollari Yakkasaroy tumani “Bobur” mahallasida yashovchi birinchi guruh nogironi Bobur Bo‘ranovga nogironlik aravachasini sovg‘a qildi.

– Boburjonning imkoniyati cheklangani sababli jismonan sog‘lom kishilar kabi harakatlana olmaydi, – deydi uning onasi Iqboloy Bo‘ronova. – Oila a’zolarimiz bilan unga qo‘limizdan kelgancha g‘amxo‘rlik qilyapmiz. Ammo yangi nogironlik aravachasini sotib olishga moddiy imkoniyatimiz yetmagandi. Hayit bayrami arafasida O‘zLiDeP “Ayollar qanoti” tomonidan nogironlik aravachasi sovg‘a qilindi, buning uchun ularga rahmat aytamiz.

Ta’kidlash kerak, partiyaning “Ayollar qanoti” uzoq yillardan buyon nogironlari bor oilalarga ko‘maklashib kelmoqda. Bu esa imkoniyati cheklangan yurtdoshlarimizning ko‘nglini ko‘tarib, hayotga bo‘lgan qiziqishini oshirayotir.

Murodjon O‘RINOV,

O‘zLiDeP Toshkent shahar

Kengashi matbuot kotibi 

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!