Chortoq tumanidagi “Muchum” mahalla aholisi ko‘p  yillardan buyon ichimlik suvi tanqisligidan aziyat chekadi. Shu vaqtga qadar hudud ahli  uzoq masofadan suv tashib kelardi, lekin suv tanqis bo‘lgan chog‘larda  ariqdan oqayotgan suvni iste’mol qilishga majbur bo‘lardi.

Shu bois hududda istiqomat qiluvchi fuqarolar bu masala bo‘yicha  Xalq deputatlari  tuman Kengashidagi O’zLiDeP deputatlik guruhi a’zosi  Nosirjon Shokirovga murojaat qildi.

 – Ko‘p yillardan buyon ichimlik suvi muammosidan aziyat chekamiz, – deydi shu hududda yashovchi Po‘latxon Jalalov. – Ochig‘i, bu masalada murojaat qilmagan joyimiz qolmadi. Lekin hech bir tashkilot muammomizni ijobiy hal etib bermadi. Oxir-oqibat mazkur masalada xalq noibiga murojaat qildik. Deputat muammoni atroflicha o‘rgandi va mutasaddi tashkilotlar hamkorligida murojaatimizni ijobiy hal etib berdi.  

Ta’kidlash joiz, deputatning tashabbusi bilan hamkor tashkilotlar ko‘magida mahallaning 800 metr masofasiga temir quvurlar yotqizildi. Natijada hududdagi 3843 ta aholi ichimlik suvi bilan ta’minlandi.

Erkin AHMEDHODJAYEV,

O‘zLiDeP Namangan viloyat Kengashi

BPT bilan ishlash guruh rahbari

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!