O‘zLiDeP Toshkent shahar va Mirobod tuman Kengashi “Ayollar qanoti” tomonidan “Orion Medicitiy” xususiy klinikasida “Sog‘lom oila – mustahkam oila” loyihasi doirasida tibbiy ko‘rik tashkil etildi.

Ko‘rik davomida Hindistonning “Medanta the Medicitiy” yirik tibbiyot klinikasi kardioxirurgi Naresh Trexan  tomonidan 200 nafardan ortiq  xotin-qiz chuqurlashtirilgan tibbik ko‘rikdan o‘tkazildi.

– Mazkur tadbirni tashkil etishdan maqsad zamonaviy tibbiy texnikalar yordamida yurak hastaliklarining oldini olish va kasallikni barvaqt aniqlash, – deydi O‘zLiDeP Toshkent shahar Kengashi bo‘lim mudiri Dilnoza Abdullajanova. –Agar ayol kishi sog‘lom bo‘lsa kelajakda Alpomishdek farzandlar yetishib chiqadi. Endi shahrimizning boshqa tumanlariga ham partiya “Ayollar qanoti” tashabbusi bilan “Orion Medicitiy” klinikasi hamkorligida hindistonlik professor doktorlar ishtirokida tibbiy ko‘riklar tashkil etamiz.

Ta’kidlash kerak, ko‘rikda 30 foiz ayollarda yurakning og‘ir bo‘lmagan formadagi hastaliklari, 8 foizida esa og‘ir toifadagi hastalik aniqlandi va kasalligi aniqlangan bemorlarga  zarur maslahatlar berildi.

O‘zLiDeP Toshkent shahar Kengashi

matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!