Yil oxirigacha Uzunda 150 investitsion loyiha amalga oshiriladi
20.09.2018, 10:21
Xalq deputatlari Uzun tuman Kengashi va O‘zLiDeP deputatlik guruhining navbatdagi yig‘ilishi bo‘lib o‘tdi.
Yig‘ilishda hududlarni ijtimoiy-iqtisodiy rivojlantirish dasturining ijrosi yuzasidan tuman Investitsiya bo‘limi boshlig‘i Sh.Maqsudovning hisoboti tinglandi.
– Joriy yilda tumanda jami 92.5 mlrd so‘mlik 150 ta investitsiya loyihasi amalga oshirilish rejalashtirilgan bo‘lib, loyiha doirasida jami 1300 nafarga yaqin yangi ish o‘rni yaratiladi, – Sh.Maqsudov. – Hozirgi kunga qadar 37.3 mlrd so‘mlik, 110 ta loyiha amalga oshirildi, 873 nafar fuqarolarning bandligini ta’minlashga erishdik.
Bundan tashqari, tumanda tashkil etilgan kichik sanoat zonasida yil yakuniga qadar 1.9 mln. dollarlik loyihani amalga oshirish belgilangan bo‘lib, mazkur quvvatlarning ishga tushirilishi natijasida qo‘shimcha 71 ta yangi ish o‘rni yaratiladi. Ayni vaqtda mazkur sanoat zonasida har xil bo‘yoqlar, plastmassa idishlar, mix chiqindilarni qayta ishlash, meva-sabzavotlarni qadoqlash va mebel sexlari ishlab turibdi.
Tumanga xorijiy investitsiyalarni keng jalb qilish maqsadida har bir sektor rahbari kamida 2 mln. dollardan kam bo‘lmagan to‘g‘ridan-to‘g‘ri xorijiy investitsiyani jalb qilish uchun Koreya Respublikasi, Xindiston, Eron Islom Respublikasi hamda qo‘shni Afg‘onistonlik tadbirkorlar bilan o‘zaro manfaatli hamkorlik yo‘lga qo‘yishgan. Jumladan, tumandagi “Materik gold invest” MChJ tomonidan kovrak plantatsiyalarini tashkil etish va kovrak shirasini qayta ishlashni yo‘lga qo‘yish maqsadida 6.5 mln. dollar qiymatidagi to‘g‘ridan-to‘g‘ri xorijiy investitsiya kiritilgan bo‘lsa, chorvachilik va meva-sabzavotchilik yo‘nalishlarini rivojlantirish maqsadida 6 ta yangi loyihani ishga tushirish ustida ishlar olib borilmoqda.
Yig‘ilish so‘ngida muhokama etilgan masalalar yuzasidan deputatlar o‘z fikr va mulohazalarini bildirishdi.
Muhammadi MAMADALIYEV,
O‘zLiDeP Surxondaryo viloyat
Kengashi deputatlar bilan
ishlash bo‘limi mudiri
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Bildirilgan fikrlar
рузибек Каюмов2018-10-15 14:07:50
Зур буларди шундай ишла р булса
Хамракулова Луиза Жиззах вилояти2018-09-20 17:08:48
Бу каби инвестицион лойихалар самарали бандликни яратиб, тадбиркорлик фаолияти ва инноватсиялар учун шароитларни яхшилайди ва барқарор иқтисодиёт ўсишини таъминлайди.