O‘zLiDeP Toshkent shahar va Yashnobod tuman Kengashi hamkorlikda “Tadbirkorlikni rivojlantirish hamda himoya kilishni taminlash, ularni jadal rivojlantirish yo‘lidagi to‘siqlarni bartaraf etish chora-tadbirlari” mavzusida davra suhbati tashkil etdi.  

Yig‘ilishda Yashnobod tuman hokimi Hojiakbar Tillashayxov, Xalq deputatlari Yashnobod tuman Kengashidagi O‘zLiDeP deputatlik guruhi rahbari Saidolim Nasretdinov, tuman prokraturasi xodimlari hamda mutasaddi tashkilot vakillari ishtirok etdi.

– Asosiy vazifamiz aholining yashash sharoitini yaxshilash, – deydi Yashnobod tuman hokimi, Xalq deputatlari Toshkent shahar Kengashidagi O‘zLiDeP deputatlik guruhi a’zosi Hojiakbar Tillashayxov. – Buning uchun esa tadbirkorlarni har tomonlama qo‘llab-quvvatlashimiz va ularning muammolariga yechim topishga ko‘makdosh bo‘lishimiz kerak. 

Yig‘ilishda tadbirkorning shikoyatlari ko‘rib chiqilib, 10 ga yaqin muammolarga shu joyning o‘zida yechim topildi.

Murodjon O‘RINOV,

OʻzLiDeP Toshkent shahar

Kengashi matbuot kotibi