Ўзбекистон Республикаси Қуролли Кучлари ташкил этилганининг 30 йиллиги ҳамда 14 январь – Ватан ҳимоячилари куни Андижон  вилоятида ҳам кенг нишонланмоқда.

Айниқса, ватанпарварлик ойлиги доирасида жойларда кўплаб маънавий-маърифий тадбирлар ўтказиб келинмоқда. Ана шундай тадбирларнинг навбатдагиси Избоскан туманидаги “Чегара қўшинларига қарашли 9251-сонли Ҳарбий қисмда ташкил қилинди.

Тадбирда сўз олган O‘zLiDeP Андижон вилоят кенгаши бўлим мудирлари Х.Тилаволдиев ҳамда М.Умурзақовалар барчани Ўзбекистон Республикаси Қуролли Кучлари ташкил этилганининг 30 йиллиги ва Ватан ҳимоячилари куни билан муборакбод этди.

“Тўғриси, партия вакиллари ва депутатларнинг бундай эътиборидан жуда қувондик, – дейди 9251-сон ҳарбий қисм ҳарбий хизматчиси, капитан Дилшодбек Акбаралиев. – Албатта, меҳнатимизнинг қадр топаётгани нишонаси бу. O‘zLiDeP доим биринчи бўлган. Бундан кейин ҳам етакчиликни қўлдан бермаслигига ишонамиз. Биз ҳам ўз ўрнида доимий ҳамкорликка тайёрмиз”.

O‘zLiDeP Андижон вилоят кенгаши

матбуот хизмати