Нукуслик сайловчилар O‘zLiDeP номзодини қўллашларини билдиришди
07.07.2023, 17:03
O‘zLiDePдан президентликка номзод Шавкат Мирзиёевнинг Қорақалпоғистон Республикасидаги ишончли вакили Байрамбай Отемуратов нукуслик сайловчилар билан учрашди. Бердақ номидаги Қорақалпоқ давлат университети маданият саройида ўтган тадбирда ҳудуд фаоллари, депутатлари, кенг жамоатчилик ва ОАВ вакиллари иштирок этди.
Учрашувда ишончли вакил иштирокчиларига номзоднинг сайловолди дастурида Ватанимизни янада равнақ топтириш, ҳар бир инсонга ўз салоҳиятини рўёбга чиқариш учун муносиб шароит яратишга йўналтирилган мақсад, вазифалар илгари сурилганини айтди.
Дарҳақиқат, юртимизда инсон қадри улуғланаётган, халқ давлат идораларига эмас, давлат идоралари халққа хизмат қилаётган бугунги кунда аҳолининг барча қатламлари қатори O‘zLiDePнинг асосий электорати ҳисобланган тадбиркор, фермерлар манфаатларини ҳимоя қилишда ҳам сезиларли натижаларга эришилаётир. Иқтисодиётнинг асосий драйвери ҳисобланган тадбиркорликни ривожлантириш доимий эътиборда бўлиб, сайловолди дастурига мувофиқ соҳани янада тараққий эттириш кўзда тутилмоқда.
Учрашувда сўзга чиққанлар ҳам номзод сайловолди дастурида белгиланган ҳаётбахш ғоя, устувор мақсад ва вазифалар халқ манфаатига хизмат қилишини эътироф этишди. Ўз навбатида, барчани ўзининг бутун куч-қудратини Янги Ўзбекистонни барпо этиш йўлида сафарбар этаётган муносиб номзод Шавкат Мирзиёевни қўллаб, овоз беришга чорлашди.
O‘zLiDeP Қорақалпоғистон Республикаси кенгаши
матбуот хизмати
Ўхшаш янгиликлар
-
Ёшлар ўзаро беллашдилар
03.05.2024, 14:15
-
Халқаро инвестиция форуми амалий ҳамкорликни сифат ва мазмун жиҳатидан мутлақо янги, янада юксак босқичга олиб чиқади
03.05.2024, 09:32
-
Халқаро инвестиция форуми амалий ҳамкорликни сифат ва мазмун жиҳатидан мутлақо янги босқичга олиб чиқади
02.05.2024, 16:33
-
Навоийлик ишбилармон хотин-қизлар маҳаллалар кесимида сараланяпти
02.05.2024, 16:26
-
Каттақўрғондаги тиббиёт, касб-ҳунар ва хусусий мактаблар фаолияти ўрганилди
02.05.2024, 13:45
Фикрингизни қолдиринг