O‘zLiDeP томонидан хотин-қизларни оилавий тадбиркорликка, кичик бизнес ва хусусий тадбиркорлик, фермерликка жалб этиш ҳамда бандлигига кўмаклашиш орқали ёш оилаларни қўллаб-қувватлаш, иқтидорларини рўёбга чиқариш, ташаббусларини қўллаб-қувватлаш борасидаги ишларга эътибор янада кучайган.

Хусусан, жойларда, айниқса энг чекка ҳудудларда, хотин-қизлар бандлигини таъминлаш, айниқса, “темир дафтар”, “аёллар дафтари” ва “ёшлар дафтари”га киритилган фуқароларни турли касб-ҳунарларга ўқитиш, ишга жойлаштиришга катта эътибор қаратилмоқда. Бу борада “Ҳар бир депутат - юз аёлга кўмакчи”, “Фаровон аёл” каби мақсадли партиявий лойиҳалар ўтказиб келиняпти.

Барча тадбирлар партия “Аёллар қаноти” фаоллари, депутатлар, тажрибали тадбиркорлар иштирокида Ўзбекистон фермер, деҳқон хўжаликлари ва томорқа ер эгалари кенгаши ҳамда бир қатор ташкилотлар билан ҳамкорликда ўтказилмоқда. Ушбу “Ишбилармон аёл” кўрик-танлови ана шундай партиявий лойиҳалар сирасига киради.

Сурхондарё вилояти ҳудудида ҳам ушбу кўрик-танловнинг туман босқичлари ўтказилмоқда. Хусусан, Қизириқ, Бойсун ҳамда Узун туман кенгашларида энг фаол тадбиркор хотин-қизлар саралаб олинди.

—  Анча йиллардан бери қадимий гиламдўзлик билан шуғулланаман, — дейди узунлик ҳунарманд Ҳулкарой Мамадалиева. — Сурхондарёнинг гиламдўзлик бўйича ўзига хос услуби бор. Ҳатто тўқиладиган ипларни бўяшда ҳам момоларимиз қўллаган табиий усуллардан фойдаланамиз. Энг муҳими, ушбу ҳунаримни орқасидан бугун оилавий тадбиркорлигимни ҳам йўлга қўйдим. Ҳозирда гиламдўзликнинг сир-асрорларини аввал келинларим, қизларим ва қўшни қизларга ўргатяпман. “Ишбилармон аёл-2023” кўрик-танловида амалий ишларим, яратган маҳсулотларим билан иштирок этиб, вилоят босқичига йўлланма олдим. Бизни тадбиркорлигимизни мана шундай қўллаб-қувватлаётган партия фаолларига миннатдорчилик билдираман.

Ҳудудлар бўйича ўтказилган танловда энг яхши маҳсулот ишлаб чиқарган тадбиркор, ҳунарманд аёллар ғолиб деб топилиб, улар эсдалик совғалари билан тақдирланишди.

Албатта, бу каби танловлар ва эътибор ана шундай фидойи хотин-қизларнининг яратувчанлиги, бунёдкорлиги, меҳнатларини улуғлаш, жамоат ишларидаги ўрни ва мавқеини юксалтиришга хизмат қилади.

O'zLiDeP Сурхондарё вилояти Сурхондарё вилояти Кенгаши матбуот хизмати