Самарқанд шаҳридаги нодавлат таълим муассасалари фаолияти ўрганилди
18.04.2024, 19:05
Бугунги кунда мамлакатимизда хусусий таълимга қаратилаётган катта эътибор натижасида уларнинг сони тобора ортиб бормоқда.
Биргина Самарқанд шаҳрида 15 га яқин хусусий таълим муассасалари фаолият кўрсатиб келмоқда. Самарқанд шаҳридаги “Redbridge International School” МЧЖ ҚК нодавлат таълим муассасаси ана шундай хусусий таълим муассасаларидан бири ҳисобланади.
Мазкур таълим муассасаси раҳбари, тадбиркор Лазиз Рахматовнинг таъкидлашича давлатимиз раҳбарининг тадбиркорларга яратиб берган имконият ва имтиёзлардан унумли фойдаланган ҳолда 2018 йилда ушбу мактабга асос солди. Ҳозирда 400 нафарга яқин ўқувчиларга сифатли таълим бериб келмоқда. 60 нафар иш ўринлари яратилган бўлиб, хорижий ва маҳаллий малакали ўқитувчилар билан тўлдирилган.
Олий Мажлис Қонунчилик палатаси депутати, ЎзЛиДеП фракцияси аъзоси Атхам Шадманов ушбу нодавлат таълим муассасасида бўлиб, бугунги кунда хусусий таълимга берилган эътибор, яратилган шарт-шароитлар билан яқиндан танишди.
Ўқитувчилар билан ўтказилган мулоқот давомида бугун мамлакатимизда қайси соҳада бўлмасин хусусий сектор улуши ошиб бораётганлиги, бундай ривожланишга давлатимиз раҳбарининг фармон ва қарорлари ҳамда қабул қилинаётган қонунлар алоҳида таянч бўлиб хизмат қилаётганлиги таъкидланди.
ЎзЛиДеП Самарқанд вилоят Кенгаши
Матбуот хизмати
Ўхшаш янгиликлар
-
Чилонзор туманидаги маҳаллалардан ишбилармон хотин-қизлар сараланди
01.05.2024, 15:04
-
Ишбилармон хотин-қизлар маҳаллалар кесимида сараланяпти
01.05.2024, 14:42
-
“Ишбилармон аёл” кўрик-танловининг маҳалла босқичлари янги-янги номларни кашф этаётир
01.05.2024, 09:33
-
Депутат билан учрашув: маҳалла еттилиги қандай ишлаяпти?
01.05.2024, 09:30
-
Янги таҳрирдаги Конституцияда инсон соғлиғи билан боғлиқ нормалар янада кўпайиб, такомиллаштирилди
30.04.2024, 16:15
Фикрингизни қолдиринг