Хабарингиз бор, O’zLiDeP Сиёсий Кенгаши Ижроия қўмитаси ва Наманган вилоят, туман Кенгашлари ходимлари, маҳаллий Кенгаш депутатлари ҳамда партия фаолларидан иборат ишчи гуруҳ хонадонма хонадон юриб аҳоли билан бевосита мулоқотда бўлмоқда.

Бу галги учрашув Тўрақўғон туманидаги “Оқтош” МФЙда ташкил этилди.

Таъкидлаш керакки, ушбу маҳаллада  “Обод қишлоқ” дастури доирасида салмоқли ишлар амалга оширилмоқда.

Маҳалладаги мавжуд 621 та хонадонда жами 3168 нафар аҳоли яшайди, булардан 102 хонадон кўп қаватли уйларда истиқомат қилишади. Ушбу кўп қаватли уйлар йиллар давомида эскириб яроқсиз ҳолга келиб қолган эди. “Обод қишлоқ”  дастури доирасида мазкур уйлар қайта таъмирланиб, барча шароитлари яхшиланди.

-Юртбошимизга ўз миннатдорчигимизни билдирамиз, - дейди маҳалла раиси Валижон Саттаров. - Бугун маҳалламиз қиёфаси тубдан ўзгарди, ичимлик суви ва электр таъминотидаги муаммолар бартараф этилди. Қолаверса,  марказда 150 ўринга мўлжалланган болалар боғчаси қурилаётгани бизни янада хурсанд қилди.

Партия фаоллари мулоқот давомида аҳоли вакилларига “Ҳар бир оила - тадбиркор” ва “Yoshlar kelajagimiz” давлат Дастурлари кенг тарғиб қилдилар.

Тарғибот давомида партия фаоллари томонидан иссиқхона ташкил этиш истагини билдирган 10га яқин аҳолига зарурий кўрсатма ва тавсиялар берилди ҳамда  кредит олишларида ёрдам беришга тайёр эканликларини билдиришди.

Партия фаолларининг аҳоли билан учрашувлари давом этмоқда.

Юлдуз ЮЛДАШЕВА,

O‘zLiDeP Наманган вилоят

Кенгаши матбуот котиби

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!