O‘zLiDeP фаолларидан иборат ишчи гуруҳ вакиллари Учқўрғон туманидаги “Гулистон” ва “Қўғай”МФЙ аҳолиси билан бевосита мулоқот олиб боришди.

Айтиш жоизки, мазкур маҳалла Президентимиз ташаббуси билан жойларда амалга оширилаётган “Обод маҳалла” дастурига киритилган бўлиб, у ерда аҳоли хонадонларининг уйлари таъмирланди, йўлларга асфальт ётқизилди, тоза ичимлик суви етказиб бериш ишлари якунига етказилмоқда.

Партия фаоллари ҳар иккала МФЙлардаги 83та хонадонларга бевосита кириб боришди. Учрашувлар жараёнида партия фаоллари биринчи навбатда аҳолини тобора яқинлашаётган энг улуғ энг азиз байрам – Ўзбекистон Республикаси Мустақиллигининг 27 йиллиги ва муборак Қурбон ҳайити байрами билан табриклади. Шунингдек, мамлакатимизда амалга оширилаётган “Обод қишлоқ” ва “Обод маҳалла” дастурлари доирасида олиб борилаётган амалий ишлар, “Yoshlar kelajagimiz” ҳамда “Ҳар бир оила-тадбиркор” дастури доирасида тадбиркорлик билан шуғулланмоқчи бўлган ёшларга ва ҳар бир оилага имтиёзли кредитлар ажратилиши, ушбу дастурларнинг ҳаётий жиҳатлари оддий, содда тилда тушунтириб берилди.

Мазкур ҳудудда жами аҳоли сони 2701 нафарни, хонадонлар сони 496 тани ташкил этади. Ахолининг асосий даромад манбаи дехқончилик ва чорвачиликдан иборат. Маҳалла ҳудудидаги 50 та хонадонлар ўрганилганда 9 нафар аҳоли хонадонида иссиқхона қуриш учун, 5 нафари парранда, 5 нафари эса касаначилик билан шуғулланиш мақсади борлиги ва имтиёзли кредит олишда амалий ёрдам сўраб мурожаат этдилар.

Ушбу мурожаатларни ижобий ҳал этиб бериш мақсадида аҳолига O‘zLiDeP кўмагида Ўзбекистон фермер, деҳқон хўжаликлари ва томорқа ер эгалари кенгаши қошида ташкил этилган Жамғарма ҳисобидан 7 фоизлик имтиёзли кредит ажратиб бериладиган бўлди.

Юлдуз ЮЛДАШЕВА,

O‘zLiDeP Наманган вилоят

Кенгаши матбуот котиби