O‘zLiDePнинг Янгиободда ўтказган сайёр қабулида Машҳурбек Кулбеков ишли бўлди
10.01.2018, 18:05
O‘zLiDeP Жиззах вилоят Кенгаши томонидан вилоятнинг олис Янгиобод туманидаги Сармич МФЙ, Хавотоғ ҚФЙ ҳамда Янгиобод ШФЙ фуқаролари иштирокида навбатдаги сайёр қабул ўтказилди.
Сайёр қабулда O‘zLiDeP вилоят Кенгаши ходимлари, Халқ депутатлари туман Кенгашидаги партия депутатлик гуруҳи аъзолари, маҳалла раислари ва фаоллари иштирок этди.
Қабул давомида ижтимоий муҳофаза соҳасига оид масалалар ҳамда соғлиқни сақлаш тизимини ривожлантиришда юзага келаётган муаммолар бўйича мурожаат ва таклифлар билдирилди.
Сайёр қабул давомида Янгиобод тумани Сармич МФЙда яшовчи коллеж битирувчиси Машҳурбек Кулбеков ишга жойлашди. У анча вақтдан бери ўз мутахассислиги бўйича иш тополмай юрган эди. Ушбу масала юзасидан М.Кулбековнинг арзини эшитган Халқ депутатлари туман Кенгашидаги O‘zLiDeP депутатлик гуруҳи аъзоси Ғ.Хожиев ўзи раҳбарлик қилаётган “Сармич баҳори” фермер хўжалигига ишга олди.
Қабул давомида Зиёкор кўчасида истиқомат қилувчи фуқаролар махаллада мавжуд чиқиндихона санитария талабларига жавоб бермаслиги юзасидан мурожаат қилишди. Ушбу масала Халқ депутатлари туман Кенгашидаги O‘zLiDeP депутатлик гуруҳи аъзоси Х.Назарқулов томонидан ўрганилиб, маъсул идора раҳбарларига депутатлик сўровлари юбориладиган бўлди. Яқин кунларда маҳалла аҳолисини қийнаб келаётган яна бир муаммо ўз ечимини топишига аминмиз.
А.ЯКУБОВ,
O‘zLiDeP Жиззах вилоят Кенгашининг
жисмоний ва юридик шахсларнинг
мурожаатлари билан ишлаш бўлими мудири
O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Депутат маҳалла еттилиги фаолиятини танқидий ўрганди
16.05.2024, 12:39
-
Оила - муқаддас ва улуғ даргоҳ
16.05.2024, 12:37
-
Депутат эҳтиёжманд оилаларга қувонч улашди
16.05.2024, 12:32
-
Мономарказ — касбга тайёрлашнинг самарали йўли
16.05.2024, 12:21
-
Ипак қурти боқсангиз меҳнат стажига эга бўласиз ва нафақа олишингиз мумкин
16.05.2024, 12:10
Фикрингизни қолдиринг