O’zLiDeP “Yoshlar qanoti” faoli “UZBEKISTAN GTL”ning maxsus stipendiya dasturida g‘olib chiqdi
20.12.2021, 15:46
G’uzor tumanida qurilishi nihoyasiga yetkazilayotgan “UZBEKISTAN GTL” zavodi jahon energetika tarmog‘ining gigant korxonalaridan biri hisoblanadi. Bu yerda tabiiy gaz chuqur qayta ishlanib, zamonaviy markadagi aviakerosin, dizel yonilg‘isi, nafta va suyultirilgan gaz ishlab chiqariladi. Eng muhimi, xorijdan mamlakatimizga uglevodorodlarni import qilish darajasi keskin pasayadi.
“UZBEKISTAN GTL” kabi yuqori texnologik sanoat majmuasi dunyoda barmoq bilan sanarli va bunday loyihada ishtirok etish har bir yosh mutaxassisning cheksiz orzusidir. Joriy yilningsentyabr-noyabr oylari davomida “UZBEKISTAN GTL” MChJ tomonidan oliy o‘quv yurtlari talabalari uchun maxsus stipendiya dasturi e’lon qilingani yoshlar orzularini ro‘yobga chiqarishda katta imkoniyat bo‘ldi. Unda respublikamizdagi OTMlardan 1700 nafar iqtidorli talaba ishtirok etdi va ularning 10 nafari g‘olib deb topildi.
-Iqtidorli yoshlar safida e’tirof etilganimdan juda quvondim, - deydi Qarshi muhandislik iqtisodiyot instituti 4-bosqich talabasi Zuhriddin Samadov - Institutda olgan bilimlarimni amaliyotda qo‘llaganim menga rag‘bat va ko‘nikma berdi. Kelgusida o‘z bilim va salohiyatimni ishga solgan holda mazkur ulkan majmuada faoliyat ko‘rsatish niyatidaman. Bu muavaffaqiyatga erishishimda ingliz tilida erkin gapira olishim qo‘l keldi. Chunki tanlov shartiga ko‘ra, o‘zim o‘qiydigan OTM haqida ingliz tilida hikoya qilib berdim, ingliz va rus tilida yozma imtihon topshirdim va zavodning o‘zida yetuk mutaxassislar sinovidan o‘tdim.
Bugun ushbu dastur doirasidagi tanlovning barcha bosqichlari yakunlanib, “UZBEKISTAN GTL” zavodida iqtidorli talabalarni taqdirlash marosimi o‘tkazildi. Stipendiya dasturida Qarshi muhandislik-iqtisodiyot institutidan 216 nafar talaba ishtirok etib, shundan 4 nafari g‘olib deb topilgani uchun institut jamoasiga minnatdorchilik bildirildi.
O’zLiDeP Qashqadaryo viloyat Kengashi
matbuot xizmati
O'xshash yangiliklar
-
Yoshlarning biznesga qiziqishi yana-da ortmoqda
24.04.2024, 17:07
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
Fikringizni qoldiring