“Tadbirkor ayol” O’zbekiston ishbilarmon ayollar assotsiatsiyasi Buxoro viloyat hududiy bo‘limida faoliyat yuritib kelayotgan BPT tashabbusi bilan “O’z ishingni boshla va takomillashtir" mavzusida ikki kunlik o‘quv seminar tashkil qilindi.

Tadbirda xotin-qizlarni tadbirkorlikka yo‘naltirish, ularni kasb-hunarga o‘rgatish, bilim va ko‘nikmalarini  oshirish, yangi ish o‘rinlarini yaratish xususida hamda partiyaning  saylovoldi platformasida belgilangan  ustuvor maqsad va vazifalar xususida atroflicha fikrlar almashildi.

Tadbir davomida 25 nafar xotin-qizlar hamda 3 nafar biznes - trenerlar va usta-trenerlar ishtirok etishdi. Tadbir ishtirokchilari biznes sohasida bilimlar va ko‘nikmalarga ega bo‘ldilar.