Konstitutsiyaviy islohotlar: Xususiy mulk daxlsizligini qat’iy belgilab qo‘yish borasida taklif bildirildi
13.06.2022, 17:13
Buxoro viloyati korxona va tashklotlari hamda o‘quv muassasalarida O’zLiDeP mas’ullari ishtirokida O’zbekiston Respublikasi Konstitutsiyasiga o‘zgartirish va qo‘shimchalar kiritish bo‘yicha tadbirlar tashkil etilmoqda.
Ushbu yo‘nalishdagi davra suhbati Toshkent irrigatsiya va qishloq xo‘jaligini mexanizatsiyalash muhandislari instituti MTU Buxoro tabiiy resurslarni boshqarish institutida tashkil qilindi. Unda mahalliy Kengash deputatlari, partiya faollari hamda faxriylar Kengashi a’zolari, institutning professor-o‘qituvchilari va talaba-yoshlar ishtirok etdilar.
Tadbir kun tartibidagi “Bosh Qomusimizni bugungi real voqelikka moslashtirish - Yangi O’zbekiston Taraqqiyot strategiyasi uchun mustahkam huquqiy poydevordir" mavzusi yuzasidan atroflicha fikr almashildi.
Mavzu bo‘yicha batafsil so‘z yuritgan institut dotsenti, tarix fanlari nomzodi To‘ymurod Xudoyqulov Taraqqiyot strategiyasi milliy rivojlanishimizda “inson, jamiyat, davlat” degan yangi tamoyil ustuvorligi, bugungi ulkan o‘zgarishlar mamlakatimizdagi o‘rta sinfning asosini tashkil qiluvchi siyosiy kuch O’zLiDeP manfaatlariga to‘la mos kelishini alohida ta’kidladi.
Davra suhbati ishtirokchilari Konstitutsiyaga o‘z taklif va qo‘shimchalarini bayon etdilar .
- Mamlakatimizda garchi kichik biznes va xususiy tadbirkorlikka keng yo‘l ochilgan bo‘lsa-da hali ham ayrim joylarda sohaning boshlovchi xodimlariga yetarli e’tibor berilayotganligi yo‘q, - dedi jumladan o‘z so‘zida O’zLiDeP Buxoro shahar Kengashi raisinig ayollar masalalari bo‘yicha o‘rinbosari Mamlakat Sodiqova. – Bu ayniqsa yosh tadbirkorlar duch kelayotgan soliq to‘lovlari masalasida yaqqol ko‘zga tashlanayapti .
Partiya shahar Kengashi raisining o‘rinbosari Mohigul Navro‘zovaning fikricha, amaldagi Konstitutsiyaning 27-moddasiga qo‘shimcha tarzda “ijtimoiy tarmoqlarda inson sha’ni va qadr-qimmati kamsitilishiga qonun bilan yo‘l qo‘yilmaydi” degan ibora kiritilsa maqsadga muvofiq bo‘lgan bo‘lardi. Fuqarolarning ichki ishlar bo‘limlari mas’ullari bilan yuzma-yuz uchrashuvi va muloqoti onlayn tarzida o‘tkazilsa nur ustiga nurdir.
Barcha taklif va qo‘shimchalar tegishli tarzda O’zLiDeP viloyat Kengashiga yuboriladigan bo‘ldi .
Asxor ISTAMOV
“XXI asr” gazetasi muxbiri
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Dehqonobodlik deputatlar bilan muloqot qilindi
25.04.2024, 11:50
-
Byudjet mablag‘lari hisobidan ortiqcha sarf-xarajatlarga yo‘l qo‘ymaslik lozim
25.04.2024, 11:46
-
Kasbida aholi daromadlarini oshirish borasida qilinayotgan ishlar o‘rganildi
25.04.2024, 09:15
-
Yoshlarning biznesga qiziqishi yana-da ortmoqda
24.04.2024, 17:07
Fikringizni qoldiring