Istiqlolning har bir yili asrlarga ta’tigulik
30.08.2023, 16:10
Ayni kunlarda O‘zLiDeP Jizzax viloyat Kengashi tomonidan Mustaqilligimizning 32 yillik sanasi munosabati bilan mahallalarda, korxona va tashkilotlarda “Yangi hayot uchun, Yangi O’zbekiston uchun!” shiori ostida turli xil madaniy-ma’rifiy va targ‘ibot-tashviqot tadbirlari tashkil etilmoqda.
Mahalliy Kengash deputatlari, partiya faollari ishtirokidagi ana shunday tadbirdardan biri – Jizzax shahridagi “A” sanoat zonasida joylashgan “IRUSKON” MChJda bo‘lib o‘tdi.
Loyiha qiymati 15 million dollarni tashkil etgan mazkur korxona 6 gektardan oshiq maydonni egallagan bo‘lib, o‘tgan yili o‘z faoliyatini boshlagan. Yiliga 22 000 ming tonna shokolad va qandolat mahsulotlari ishlab chiqarish imkoniga ega bo‘lgan korxonada ayni paytda 350 ta doimiy va mavsumiy ish o‘rinlari yaratilgan.
Ochiq muloqot tarzida o‘tgan tadbir davomida ta’kidlanganidek, Mustaqillik yillarida ko‘hna tariximiz, boy merosimiz, milliy davlatchiligimiz, muqaddas dinimiz, urf-odat va an’analarimiz qayta tiklandi. Ayniqsa, so‘nggi yetti yilda mehr-oqibat, bag‘rikenglik hamjihatlik kabi olijanob fazilatlar, milliy va umumbashariy qadriyatlarga hurmat, Vatan taqdiri va kelajagiga daxldorlik tuyg‘usi yuragimizning tub-tubidan o‘rin oldi.
Yangi O’zbekistonni barpo etish va uni jahonga tarannum qilish bo‘yicha muhim natijalar qo‘lga kiritilmoqda. Bu yutuqlar xalqaro jamoatchilik tomonidan e’tirof etilib, vatandoshlarimizning ongu tafakkuri, dunyoqarashi o‘zgarmoqda. Ular islohotlar samarasini kundalik hayotida his qilib yashamoqdalar.
So‘nggi yillarda "Inson qadri uchun" tamoyili asosida xalqimizning farovonligini yanada oshirish, iqtisodiyot tarmoqlarini transformatsiya qilish va tadbirkorlikni jadal rivojlantirish, inson huquqlari va manfaatlarini so‘zsiz ta’minlash hamda faol fuqarolik jamiyatini shakllantirishga qaratilgan islohotlarning ustuvor yo‘nalishlari belgilab olindi. "Inson — jamiyat — davlat" tamoyili davlatimizning eng oliy maqsadiga aylandi.
Butun respublikamizda bo‘lgani kabi, Jizzax viloyatida ham davlatimiz rahbari tomonidan belgilab berilgan barcha vazifalar og‘ishmay amalga oshirilmoqda.
Muloqot ishtirokchilari mustaqilligimizni asrash, uni mustahkamlash har bir o‘zbekistonlikning sharafli burchi ekanligini, har bir inson o‘z mehnati, intilish va sa’y-harakatlari bilan “Yangi hayot uchun, Yangi O’zbekiston uchun!” degan ezgu g‘oya ostida amalga oshirilayotgan ishlarda bundan buyon ham kamarbasta bo‘lishlarini ta’kidlab o‘tdilar.
O‘zLiDeP Jizzax viloyat Kengashi
Matbuot xizmati
O'xshash yangiliklar
-
Deputat Oqdaryo bilan Pastdarg‘om tumanini bog‘lab turuvchi yangi ko‘prik qurilishida tashabbus ko‘rsatdi
28.04.2024, 12:38
-
Deputat mahalladadagi yettilik faoliyatini o‘rgandi
27.04.2024, 16:34
-
Shofirkonlik mohir tikuvchi “Ishbilarmon ayol-2024” ko‘rik-tanlovining tuman bosqichiga yo‘llanma oldi
27.04.2024, 16:32
-
Nishonda kartoshkachilik rivojlanmoqda
27.04.2024, 16:29
-
Nishonda kartoshkachilik rivojlanmoqda
27.04.2024, 16:04
Fikringizni qoldiring