Deputat va tadbirkorlar aholi bilan muloqotda bo‘ldi
06.09.2023, 15:25
O‘zLiDeP Sharof Rashidov tuman Kengashi tashabbusi bilan joylardagi mavjud muammolarni partiyaviy vositalar bilan bartaraf etish, shuningdek, fuqarolarning tadbirkorlik faoliyatini har tomonlama qo‘llab-quvvatlash va shu asosda yangi ish o‘rinlari yaratish, aholi farovonligini oshirish maqsadida deputatlar, partiya faollari va tajribali tadbirkorlar ishtirokida uchrashuv va ochiq muloqotlar tashkil etilmoqda.
Shunday uchrashuvlardan biri – tumandagi Olmachi MFY hududida ham bo‘lib o‘tdi. Unda xalq deputatlari Sharof Rashidov tumanidagi O‘zLiDeP deputatlik guruhi a’zosi, “Mehnat shuhrati” ordeni sohibi, taniqli tadbirkor Sharofat Noriyeva ham ishtirok etdi.
Uchrashuv davomida joriy yil 18 avgust kuni Davlatimiz rahbarining tadbirkorlar bilan bo‘lib o‘tgan ochiq muloqotida aytib o‘tgan kichik biznes va tadbirkorlikni rivojlantirish borasidagi ustuvor yo‘nalishlar va ilgari surilgan tashabbuslarning mazmun-mohiyatiga atroflicha to‘xtalib o‘tildi.
Ochiq muloqot davomida hududda tadbirkorlikni, tomorqachilikni rivojlantirish, “Yashil hudud” doirasida ko‘chat ekish ishlarini tashkillashtirish borasida ham kengashib olindi.
Tomorqachilik, tadbirkorlik faoliyati davomida asqotadigan ishlab chiqarish vositalari, mini texnikalar ko‘rgazmasi tashkil etildi.
Ochiq muloqot davomida aholi tomonidan qilingan murojaatlar ham mutasaddi tashkilot vakillari bilan birgalikda o‘rganilib, ularning ijrosi deputatlik nazoratiga olinadigan bo‘ldi.
G’anisher Avalboyev,
O‘zLiDeP Sharof Rashidov tuman Kengashi apparat rahbari
O'xshash yangiliklar
-
Xizmat ko‘rsatish salmog‘i ortmoqda
17.01.2024, 16:31
-
140 turdagi mebel mahsulotlari ishlab chiqarayotgan O’zLiDeP faolining yillik daromadi 11,4 mlrd. so‘mni tashkil etadi
06.10.2023, 14:02
-
Deputatlar tadbirkorlarning takliflarini o‘rgandi
29.09.2023, 15:47
-
Tadbirkorlar muvaffaqiyatga erishish sirlari bilan o‘rtoqlashdi
22.09.2023, 15:22
-
Deputatlar va tadbirkorlar muloqotida qilingan murojaatlar nazoratga olindi
21.09.2023, 17:22
Fikringizni qoldiring