Nazorat bo‘shashtirilmaydi
26.10.2023, 12:12
Jamoatchilik nazorati tadbirlari doirasida Namangan viloyatida ijtimoiy soha ob’ektlarning kuz-qish mavsumiga tayyorgarlik holatini o‘rganish ishlari davom etmoqda.
Partiya ishchi guruhi To‘raqo‘rg‘on tumanida ham bo‘lib, bir qator ijtimoiy soha ob’ektlarida kuz-qish mavsumiga tayyorgarlikning ahvoli o‘rganildi. Unda ishchi guruhi a’zolarining e’tibori binolar, isitish tizimlari, qozonxonalarning sozligiga, eshik-derazalarning yaroqliligiga, ko‘mir zahirasining mavjudligiga qaratildi. Jumladan, 2-maxsus maktabgacha ta’lim tashkilotida isitish tarmog‘i, kanalizatsiya quvurlari shu paytgacha sinovdan o‘tkazilmagan. Shahand kasb-hunar maktabida rejadagi 100 tonna ko‘mir haligacha to‘liq jamg‘arilmagan bo‘lib, o‘tgan yilgi zahiradan 25 tonnasi shu holatda turibdi, ko‘mirxonaning o‘zi esa ta’mirtalab holatda, 10-maktabgacha ta’lim tashkilotida isitish tizimi ko‘mirga o‘tkazilgan bo‘lishiga qaramay 2 ta qozonxona bunga moslashtirilmagan. Ushbu kamchiliklarni bartaraf etish yuzasidan tuman maktabgacha va maktab ta’limi bo‘limiga axborotlar kiritildi va bajarilishi nazoratga olindi.
– Biz jamoatchilik nazoratini aslo bo‘shashtirmaymiz, - deydi partiya tuman Kengashi apparat rahbari Nigora Nazarova. – Bu ishga partiya faollari, deputatlar to‘liq jalb etilgan. Kelgusida tumandagi ijtimoiy soha ob’ektlarida, ko‘p qavatli uylarda kuz-qish mavsumiga tayyorgarligi, korxona, tashkilotlarda, bozorlarda kartoshka, piyoz, sabzi kabi sabzavotlarning omborlarga jamg‘arilganligini muntazam ravishda monitoring qilib boriladi va aholini arzon va sifatli oziq-ovqat mahsulotlari bilan uzluksiz ta’minlash, narx-navolarning asossiz ravishda oshib ketishiga yo‘l qo‘ymaslik chora-tadbirlarini belgilab olganmiz.
O'xshash yangiliklar
-
Deputat Oqdaryo bilan Pastdarg‘om tumanini bog‘lab turuvchi yangi ko‘prik qurilishida tashabbus ko‘rsatdi
28.04.2024, 12:38
-
Deputat mahalladadagi yettilik faoliyatini o‘rgandi
27.04.2024, 16:34
-
Shofirkonlik mohir tikuvchi “Ishbilarmon ayol-2024” ko‘rik-tanlovining tuman bosqichiga yo‘llanma oldi
27.04.2024, 16:32
-
Nishonda kartoshkachilik rivojlanmoqda
27.04.2024, 16:29
-
Nishonda kartoshkachilik rivojlanmoqda
27.04.2024, 16:04
Fikringizni qoldiring