Qo‘ng‘irotlik deputatlarimiz “Yashil makon” umummilliy loyihasida faol qatnashyapti
08.11.2023, 17:08
Xabaringiz bor, 25-oktyabrdan 1-dekabrgacha “kuzgi daraxt ekish mavsumi” e’lon qilindi. Bu mavsumda respublika bo‘yicha 85 million tup ko‘chat ekilishi mo‘ljallangan. Mamlakatimizda "Yashil makon" umum milliy loyihasi doirasida amalga oshirilayotgan ishlardan asosiy maqsad joylarda yashil maydonlarni ko‘paytirish, ekologik sharoitni yaxshilashdan iborat.
«O’zbekiston - 2030» strategiyasida ham Ekologiya va atrof muhitni muhofaza qilish, shahar va tumanlarda ekologik ahvolni yaxshilash, “Yashil makon” umummilliy loyihasini amalga oshirish maqsadida “Yashil makon” umummilliy loyihasi doirasida 200 mln tup manzarali, mevali daraxt va butalar ko‘chatlari hamda qalamchalarini ekish, Orol dengizining qurigan tubida “yashil qoplamalar” himoya o‘rmonzorlari barpo etish bo‘yicha ustuvor vazifalar belgilab berilgan.
Bu borada respublikamizning har bir hududlarida ona tabiatimizni yashillik va tabiiylik bilan boyitish maqsadida "Yashil makon" umummilliy loyihasi doirasida ko‘chat ekish ishlari amalga oshirilmoqda. Loyiha doirasida Qo‘ng‘irot tumanidagi «Turkiston» MFY hududida tashkil qilingan «Hokimlik bog‘i» da tuman ahli va keng jamoatchilik vakillari bilan birgalikda seminar tashkil qilindi. Loyiha doirasida joriy yilgi kuz faslida 400 mingdan ziyod dekorativ va mevali ko‘chat navlarini ekish belgilangan. Hududning iqlim sharoiti va yerning hosildorligidan kelib chiqib, qurg‘oqchilikka chidamli ko‘chatlarni ekishga alohida e’tibor qaratish zarurligi qayd qilindi.
Seminarga tuman hokimi, mutasaddi tashkilot vakillari, siyosiy partiyalardan saylangan deputatlar, yoshi ulug‘ nuroniy faxriylarimiz va keng jamoatchilik vakillari faol ishtirok etdi.
Ko‘chat ekish ishlariga Qoraqalpog‘iston Respublikasi Jo‘qorg‘i Kengesi qo‘mita raisi, deputat Sharapat O’temisov ham qatnashdi. Mazkur loyiha doirasidagi ishlarda Xalq deputatlari tuman kengashi deputatlari ham faollik ko‘rsatmoqda. Loyiha doirasida hududlar turli chiqindilardan tozalanib tut va katalpa ko‘chatlari o‘tkazilayapti.
"Yashil makon" umum milliy loyihasi doirasidagi atrof-muhitni obodonlashtirish va ko‘kalamzorlashtirish, mevali va manzarali daraxt ko‘chatlarini ekish ishlari tuman miqiyosida davom etmoqda.
O’zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
Deputat Oqdaryo bilan Pastdarg‘om tumanini bog‘lab turuvchi yangi ko‘prik qurilishida tashabbus ko‘rsatdi
28.04.2024, 12:38
-
Deputat mahalladadagi yettilik faoliyatini o‘rgandi
27.04.2024, 16:34
-
Shofirkonlik mohir tikuvchi “Ishbilarmon ayol-2024” ko‘rik-tanlovining tuman bosqichiga yo‘llanma oldi
27.04.2024, 16:32
-
Nishonda kartoshkachilik rivojlanmoqda
27.04.2024, 16:29
-
Nishonda kartoshkachilik rivojlanmoqda
27.04.2024, 16:04
Fikringizni qoldiring