Yangilangan Konstitutsiya - huquq va erkinliklarimiz kafolati
07.12.2023, 16:01
O’zLiDeP va O’zbekiston yoshlar ittifoqi viloyat Kengashlari hamkorligida Buxoro davlat universitetida ushbu oliy o‘quv yurti talaba yoshlari ishtirokida O’zbekiston Respublikasi Konstitutsiyasi qabul qilinganligining 31 yilligiga bag‘ishlangan davra suhbati o‘tkazildi. Uni universitet rektorining o‘quv ishlari bo‘yicha prorektori Rustam Jumayev kirish so‘zi bilan ochib berdi.
Davra suhbatida so‘z olgan partiya viloyat Kengashi raisining birinchi o‘rinbosari – apparat rahbari B.Ochilov Konstitutsiyada xalqimiz huquq manfaatlari o‘z ifodasini topganini, ushbu muhim hujjat Konstitutsiyaviy qonun loyihasi tarzida umumxalq muhokamasida qo‘yilganligini, shundan so‘ng mamlakatimizda umumxalq referendumi o‘tkazilib Yangilangan Konstitutsiya bir qator o‘zgartirish va qo‘shimchalar bilan qabul qilinganligini hamda 2023 yilning 1 may kunidan boshlab qonuniy kuchga kirganini aytib o‘tdi.
Davra suhbati ishtirokchilari O’zbekiston yoshlar ittifoqi viloyat Kengashi bo‘lim boshlig‘i S.Axatovning yoshlar ittifoqi faoliyatiga oid bergan ma’lumotlari bilan ham tanishtirildilar. Qayd etilganidek Konstitutsiyamizning 35 foizi yangi normalar bilan to‘ldirilganligi hech shubhasiz mamlakitmiz yoshlarining bugungi va ertangi hayoti yanada farovon bo‘lishiga xizmat qilishi bilan ahamiyatlidir.
Talaba yoshlar shuningdek, Yangilangan Konstitutsiyadan o‘rin olgan ijtimoiy davlat, “Inson- jamiyat - davlat” tamoyili, Parlamentning yuqori va quyi palatalari, siyosiy partiyalarning fraksiyalari, Prezident, Oliy Majlis va mahalliy Kengashlarga o‘tkaziladigan saylovlar bo‘yicha ham to‘liq tushunchalarga ega bo‘ldilar.
Davra suhbati ishtirokchilarini qiziqtirgan savollarga tashkilotchilar tomonidan batafsil javoblar berildi.
O'xshash yangiliklar
-
Xalqaro investitsiya forumi amaliy hamkorlikni sifat va mazmun jihatidan mutlaqo yangi bosqichga olib chiqadi
02.05.2024, 16:34
-
Navoiylik ishbilarmon xotin-qizlar mahallalar kesimida saralanyapti
02.05.2024, 16:27
-
Kattaqo‘rg‘ondagi tibbiyot, kasb-hunar va xususiy maktablar faoliyati o‘rganildi
02.05.2024, 13:46
-
“Ishbilarmon ayol” ko‘rik-tanlovining mahalla bosqichlari yangi-yangi nomlarni kashf etayotir
01.05.2024, 09:34
-
Deputat bilan uchrashuv: mahalla yettiligi qanday ishlayapti?
01.05.2024, 09:32
Fikringizni qoldiring