O‘zLiDeP Farg‘ona viloyat Kengashi tomonidan So‘x tumanidagi Yangiariq mahallasida “O‘zLiDeP boshlang‘ich partiya tashkilotlari o‘z tomorqasida tadbirkorligini boshlaganlarga ko‘makdosh” loyihasi doirasida amaliy muloqot tashkil etildi.

Muloqot davomida tadbirkorlik faoliyatini boshlash istagida yurgan yoshlarga zarur taklif-tavsiyalar berildi.

– Tomorqachilik hadisini olganimizdan buyon oila a’zolarimiz bilan qo‘shimcha daromad topyapmiz, – deydi tadbirkor. – O‘g‘lim bir necha yillardan beri xorijda ishlardi. O‘tgan yili uyga qaytdiyu, o‘sha daromadni tomorqachilikdan topa boshladik. Shu bois 10 sotixlik tomorqamizning 4 sotixida limonariya tashkil qildik. Qolgan yerga pomidor, bodring, bulg‘or qalampiri ekib, har yili 4-5 million so‘m daromad qilyapmiz.

Ta’kidlash kerak, loyiha doirasida nafaqat tomarqadan unumli foydalanish yo‘llari, balki meva-sabzavot va poliz ko‘chatlari ham olib berilmoqda. Yaqinda O‘zLiDeP Qo‘shtepa tuman Kengashi ana shunday savobli ishga qo‘l urdi. Loyiha doirasida 35 oilaga 3500 pomidor, 500 karam, 500 achchiq qalampir, 500 bulg‘or qalampiri, 1000 baqilajon hamda 500 dona bodring qo‘chatlari tarqatildi.

O‘zLiDeP Farg‘ona viloyat

 Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!