O‘zLiDeP Uzun tumani Kengashi “O‘zLiDeP boshlang‘ich tashkilotlari o‘z tomorqasida faoliyat boshlaganlarga ko‘makdosh” loyihasi doirasida “Surxon Zamini Ne’matlari" agrofirmasi mutaxassislari bilan hamkorlikda tumandagi yosh tadbirkorlarga uzumchilikni rivojlantirish buyicha tavsiyalar berishdi. Uchrashuvda uzumchilikni rivojlantirish bo‘yicha uchrayotgan muammolarga “Surxon zamini nematlari” agrofirmasi huzuridagi quyi bo‘g‘in yetakchisi Abdurahmon O‘ljayev tomonidan to‘liq tushuntirishlar berildi.

– Uzum toklarini sovuqdan asrash, bozorgir uzum navlari va tokka tegadigan kasalliklarni oldini olish bo‘yicha tushgan savollar aholining uzumchilikka qiziqishi yuqori ekanidan dalolat beradi, – deydi A. O‘ljayev. – Ishonamizki, yaqin orada mazkur hududda uzumchilik bilan shug‘ullanuvchi xo‘jaliklar safi yanada kengayadi.      

Tadbir so‘ngida ishtirokchilarga eng yaxshi uzum navlaridan ko‘chat berishga kelishib olindi.

O‘zLiDeP Surxondaryo viloyat Kengashi

 matbuot xizmati 

O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!