O‘zLiDeP Sirdaryo viloyat Kengashi tomonidan Guliston davlat universitetida “Yangi avlod kadrlari” loyihasi doirasida ochiq muloqot tashkil etildi.

Qayd etilganidek, mazkur tadbirdan ko‘zlangan maqsad oliy ta’lim muassasalari bilan partiyaning uzviy xamkorligini yo‘lga qo‘yish, viloyat, tuman, shahar partiya tashkilotlariga siyosiy jihatdan yetuk, yetarli bilim va malakaga ega bo‘lgan kadrlarni aniqlash va ularni partiyaning istiqbolli kadrlar zaxirasiga tavsiya etishdan iborat.

– Tadbir davomida yoshlarni partiya atrofida birlashtirish, iste’dodli yoshlarni qo‘llab-quvvatlash orqali bo‘lajak deputatlar va yetakchilar zaxirasini shakllantirishga alohida e’tibor qaratdik, – deydi O‘zLiDeP viloyat Kengashi bo‘lim mudiri D.Nurmuhamedov. – Shu bilan birga talabalar partiya faoliyati, ustav va dasturi bilan yaqindan tanishtirildi. E’tiborli jihati, tadbir davomida siyosiy jarayonlarga qiziqishi baland bo‘lgan 22 nafar yigit-qiz partiya istiqbolli kadrlar zaxirasiga olindi.

Tadbir so‘nggida O‘zLiDeP Sirdaryo viloyat Kengashi va Guliston davlat universiteti o‘rtasida o‘zaro hamkorlik memorandumi imzolandi.

Husan JABBOROV,

O‘zLiDeP Sirdaryo viloyat Kengashi

yoshlar bilan ishlash

bo‘limi mudiri

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!