Олий Мажлис Қонунчилик палатаси депутати Ҳазратқул Хўжамқулов сайловчилар билан учрашуви давомида Бойсун тумани “Сайроб” маҳалласида истиқомат қилаётган фуқаролардан тоза ичимлик суви масаласида мурожаат қилишган эди. Маълум бўлишича ушбу қишлоқ аҳолиси тоғли ҳудудда яъни қир-адирда истиқомат қилишини ҳисоб олганда ушбу маҳаллага ичимлик суви келиш анча қийинчилик туғдирар эди. Шу сабабли маҳаллага тоғдан ичимлик суви тармоғини тортиб келишдан бошқа чора йўқ.

Депутат халқ билан мулоқот қилар экан албатта, бу масалада туман ҳокимлиги орқали ижобий ечим топишда ваъда берди. Ва ниҳоят депутатнинг ваъдаси амалга ошди. Сайроб маҳалласида илондара дарасидан ичимлик сувини олиб келиш лойиҳаси бошланди. Ҳозирги вақтда туман ҳокимлиги масъуллигида ҳамда маҳалла аҳолисининг 30 нафардан зиёд киши ҳашарга жалб қилинди. Август ойининг охирига қадар ушбу маҳалла ичимлик суви билан таъминланади.