Олий Мажлис Қонунчилик палатаси депутати Феруза Нигматова Бахмал ва Ғаллорол туманларида бўлиб, ўз сайловчилари билан учрашди.

Дастлаб, Ғаллорол ва Бахмал туманида  маҳаллий Кенгаш депутатлари, партия фаоллари ва ҳамкор ташкилот вакиллари иштирокида бўлиб ўтган учрашувда айни пайтда юртимизда кечаётган ислоҳотлар жараёни, шунингдек, Янги Меҳнат кодекси ҳақида сўз юритилди.

Тадбирдан сўнг халқ ноиби иштирокида Ғаллорол ва Бахмал туманларидаги халқ қабулхоналарида бўлиб ўтган учрашувда аҳоли мурожаатлари ўрганиб чиқилди. Ҳамкор ташкилотлар  вакиллари билан биргаликда ўрганиб чиқилган мурожаатларнинг аксарияти жойида ҳал қилинган бўлса, 4 та мурожаат бевосита депутатлик назоратига олинди.