Халқ депутатлари Қашқадарё вилоят Кенгашига сайланган O‘zLiDeP депутатлик гуруҳи аъзоси Убайдулло Усмонов аҳолини қийнаб келаётган муаммоларни бартараф этиб келаётган депутатларимиздан бири.

Бир неча кун аввал депутат Нишон туман А.Қодирий МФЙ сайловчилари билан учрашганди. Учрашув давомида аҳолидан телефон алоқа хизмати яхши эмаслиги ҳақида мурожаат  келиб тушганди.  

Халқнинг ишончли вакили ушбу мурожаат юзасидан Ўзбекистон Республикаси ахборот технологиялари ва коммуникацияларини ривожлантириш вазирлигининг вилоят ҳудудий бошқармаси бошлиғига депутатлик сўрови юборди. Сўровга белгиланган муддатда жавоб тақдим этилди.

Юборилган депутатлик сўрови натижасида Ўзбекистон Республикаси ахборот технологиялари ва коммуникацияларини ривожлантириш вазирлигининг вилоят ҳудудий бошқармаси ишчи гуруҳ тузиб, мазкур  масалани жойига чиқиб ўрганди.

Ўрганиш натижасида ажратилган ҳудудда “Uzmobile” филиали Қашқадарё ҳудудий боғламаси ва пудратчи қурувчилар томонидан антенна мачтасини ўрнатиш бўйича котлаван шаклида қазиш ишлари амалга оширилаётгани, метал конструкцияси ўрнатилиб, бетон ишлари амалга оширилиши бошлангани ҳамда мазкур база станциясини ўрнатиш ишлари жорий йилнинг якунига қадар амалга оширилиши режалаштирилгани аниқланди.

O‘zLiDeP  Қашқадарё вилоят

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!