O‘zLiDePдан Халқ депутатлари Чилонзор туман Кенгашига сайланган депутат Раъно Каримова ташаббуси билан “Кўтарма” маҳалласи 181 сонли умумтаълим мактаби ва “Нурафшон” номли мактабгача таълим муассасасига борувчи 1000 метрли йўл қайта таъмирланди.

Депутатимиз фуқаролар билан очиқ мулоқотлар давомида ҳам улар томонидан билдирилган мурожаатларга доимий эътибор билан қарайди. Бевосита Р.Каримова саъй-ҳаракати билан “Кўтарма” маҳалласида машиналар тўхташ тураргоҳи қуриб, фойдаланишга топширилди.  

– Эхтиёжманд оила бўлганлигим сабабли 6 йил аввал менга туман ҳокимлиги томонидан 2 хонали квартира берилган эди, – дейди “Кўтарма” маҳалласи 22 уй 16 хонадонда истиқомат қилиб келаётган Нозима Қўчқорова. – Аммо, бугунги кунга қадар яшаб турган уйимни ўз номимга ўтказишда турли тўсиқларга учраётгандим. Шу сабабли Раъно Каримовага ёрдам сўраб мурожаат қилган эдим. Депутат менинг мурожаатим бўйича мутасадди идораларга мурожаат қилди ва ечими юзасидан амалий ишлар олиб борди. Ҳозирда маҳалламиздаги 16 уйни ўз номимга расмийлаштириб олдим.   

 М.ЎРИНОВ,

O‘zLiDeP Тошкент шаҳар

 Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!