Бу ҳақда Халқ депутатлари Сурхондарё вилоят Кенгашидаги O‘zLiDeP  депутатлик гуруҳининг навбатдаги  йиғилишида маълум қилинди.

Йиғилишда депутатлар вилоят молия бош бошқармаси бошлиғи ўринбосари Ж.Нормўминовнинг ҳисоботини эшитди.

Ҳисоботда таъкидланганидек, вилоят молия бошқармаси томонидан  2017 йил учун бюджет даромадларининг белгиланган 970.2 миллиард сўм режаси йил якуни билан 1 триллион 23 ярим миллиард сўмга бажарилган.

–Бугунги кунда вилоятимизда жами 1916 та, шундан 25 та йирик, 1891 та кичик корхоналар фаолият кўрсатмоқда, – дейди Ж.Нормўминов. –Жорий  йилнинг 6 ойи давомида мазкур корхоналар томонидан 1 трлн. 280 млрд 271 млн. сўмлик саноат маҳсулотлари, 517 млрд 95 млн. сўмлик истеъмол моллари ишлаб чиқарилди.

Йиғилишда шунингдек, кун тартибидаги масалалар юзасидан Хорижий инвестицияларни жалб қилиш бўйича вилоят инвестиция бошқармасининг хорижий инвестицияларни жалб қилиш бўлим бошлиғи Сардор Жумаевнинг ҳисоботи ҳам тингланди.

Жорий йилда вилоятда умумий қиймати 273 миллиард сўмга тенг бўлган 144 та лойиҳа амалга оширилиши натижасида 1 минг 934 та янги иш ўринлари яратилди, – дейди С.Жумаев. –Айни чоғда эса 39.4 миллион доллар қийматидаги 14 та лойиҳа тўғридан-тўғри чет эл сармоялари ёрдамида амалга оширилмоқда. Яна бир муҳим жиҳати, жорий йил бошида вилоятда 61 та хорижий инвестициялар иштирокидаги корхоналар рўйхатга олинган бўлса, айни вақтда уларнинг сони 94 тага етди.

Йиғилишда кун тартибидаги масалалар юзасидан O‘zLiDeP депутатлик гуруҳининг тегишли қарори қабул қилинди.

Мурод ЭШНАЗАРОВ,

            O‘zLiDeP Сурхондарё вилоят

Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!