Хабарингиз бор, O‘zLiDeP Сиёсий Кенгаши Ижроия қўмитаси ва партиянинг барча ҳудудий Кенгашларидан таркиб топган ишчи гуруҳ томонидан Президентимиз ташаббуси билан амалга ошириб келинаётган “Обод қишлоқ” ва “Обод маҳалла” Дастурларининг жойлардаги ижросини ўрганиш, уйма-уй юриб аҳоли муаммолларига ечим топиш мақсадида юзма-юз мулоқотлар ташкил этилмоқда.

Қарийб бир ой давомида партия фаолларининг аҳоли билан мулоқотлари барча ҳудудларда ташкил этилиб, аниқланган муаммолар бўйича тегишли ташкилотларга депутатлик сўрови жўнатилди, ҳар бир муаммони ижобий ҳал этиш борасида саъй-ҳаракатлар бошлаб юборилган.

O‘zLiDeP Сиёсий Кенгаши Ижроия қўмитаси раиси Актам Хаитов ҳудудларда олиб борилган ушбу ўрганишларнинг натижалари бўйича йиғилиш ўтказди. Унда партия ходимларнинг ҳар бирига ушбу ўрганилган муаммоларни ўз вақтида бартараф этиш, партия депутатлик гуруҳлари томонидан жўнатилган депутатлик сўровларнинг натижалари бўйича кунлик назоратини олиб бориш, партия сафида аъзолар сонини кескин ошириш, тадбиркорлар ва фермерлар билан доимий мулоқотда бўлиш ва аниқланган муаммоларини партиявий воситалар орқали ечим топиш борасида кўрсатмалар берди.

Йиғилишда шунингдек, ҳудудларнинг имкониятидан келиб чиққан ҳолда туманларни ижтимоий-иқтисодий ривожлантириш бўйича дастурларга аниқ таклифлар олиш, тадбиркорларнинг инвестициялар билан боғлиқ муаммоларини аниқлаб тегишли ташкилотлар, вазирликларга депутатлик сўровлари жўнатиш лозимлиги таъкидлаб ўтилди.

Муҳокама қилинган барча масалалар бўйича йиғилиш қарори қабул қилинди.

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!