O‘zLiDeP Қўшкўпир туман Кенгаши ҳудуддаги Политехника ва тадбиркорлик касб-ҳунар коллежида “O‘zLiDeP – ёшлар тадбиркорлигини қўллаб-қувватлайди” мавзуида давра суҳбати ташкил этди.

Тегишли соҳа вақиллари, партия туман Кенгаши ва туман ИИБ ходимлари иштирок этган тадбирда ёшларни тадбиркорлик фаолияти билан шуғулланишлари учун кенг шароитлар яратиш ва уларни турли зарарли иллат ва ёт ғоялар таъсиридан ҳимоя қилиш масалалари муҳокама қилинди.

–Жорий йилнинг декабрь ойи ҳолатига кўра, туманимиздан 48 нафар ёш коллежни тамомламай хорижга чиқиб кетган, – дейди туман ИИб ходими У.Қурбонов. –Ҳозир улар қандай иш билан банд, нима билан шуғулланяпти бизга маълум эмас. Шу боис, ҳозирда жойларга чиқиб, ёшлар билан юзма-юз мулоқот қиляпмиз, уларни қизиқишларини ўрганяпмиз.Мақсад битта, ёшлар ўртасида ҳуқуқбузарлик ва жиноятчиликнинг барвақт олдини олиш, бандлигини таъминлаш, ишбилармонлик қобилиятини ривожлантириш.

Тадбирда тадбиркорлик фаолияти билан шуғулланмоқчи бўлган ёшларга ўз бизнесларини бошлашлари учун зарур тавсиялар, кўрсатмалар берилди.       

Руслан РАХИМОВ,

O‘zLiDeP Қўшкўпир

туман Кенгаши

аппарат раҳбари