Шаҳрихонда “Биз спорт ва санъатни биргаликда ривожлантирамиз” шиори остида спортнинг футбол тури бўйича мусобақа ўтказилди.

O‘zLiDeP Шаҳрихон туман Кенгаши ташаббуси билан ёшлар ўртасида соғлом турмуш тарзини тарғиб қилиш, уларни бўш вақтларини мазмунли ва фойдали ўтказиш мақсадида ташкил этилган мазкур спорт мусобақаси иштирокчилари ғолиблик учун астойдил ҳаракат қилдилар.

 “Тумандаги “Ваҳим” ва “Наврўз” маҳалла фуқаролар йиғинлари ёшлари вакилларидан иборат жамоаларнинг муросасиз ўйинлари майдонда кескин курашларга бой бўлди, – дейди партия туман Кенгаши раиси Қаҳрамон Саримсақов. – Эпчиллик, ташаббускорлик, бирдамлик билан ҳаракат қилган “Наврўз” жамоаси бош совринни қўлга киритди”.

Мусобақа якунида ғолиб ва совриндорларга партия туман кенгашининг қимматбаҳо совғалари топширилди.

 Шавкатбек ОТАБОЕВ,

O‘zLiDeP Шаҳрихон туман

 Кенгаши аппарат раҳбари