Хабарингиз бор, партия томонидан “O‘zLiDePнинг ИНСОНПАРВАРЛИК КАРВОНИ” акцияси эълон қилинган эди. 

Ушбу акцияда кўплаб партиянинг фаоллари, депутатлари ҳам ўз ҳиссаларини қўшяпти. Икки кун давомида Наманган, Самарқанд, Қашқадарё ва бошқа вилоятлардан ушбу саховат карвони юборилди. 

Бугун O'zLiDeP Сиёсий Кенгаши Ижроия қўмитасидан партия ходимлари, депутатлари, тадбиркорлар ва ишбилармонлари хайрия қилган турли озиқ-овқат, кийим-кечак ва бошқа маҳсулотлар ортилган карвон йўлга чиқди. 

Партиянинг ушбу саховат карвони Сирдарёдан Жиззахга вақтинчалик кўчирилган аҳолига етказиб берилади.