“Фаол тадбиркорлик, инновацион ғоялар ва технологияларни қўллаб-қувватлаш йили”да амалга оширишга оид давлат Дастур лойиҳасида кўзда тутилган ҳар бир режа мамлакатимизни иқтисодий ижтимоий юксалишига хизмат қилади. Жумладан, O‘zLiDePнинг хотин-қизлар тадбиркорлигини қўллаб-қувватлаш ва фермер хўжаликларини  ривожлантириш борасида олиб бораётган ишларини янада жадаллаштириш, касб-ҳунар коллеж битирувчи қизларини оилавий бизнес ва хусусий тадбиркорликка кенг жалб этиш, касаначиликни ривожлантириш орқали хотин-қизларнинг ижтимоий-сиёсий фаоллигини кучайтириш, уларни жамиятда, оилада ўз ўринларига эга бўлишларига кўмаклашиш каби таклифлари жамиятимизни янада ривожлантириш учун муҳим омилдир.   

O‘zLiDeP фаоллари томонидан берилган қишлоқ хўжалигида меҳнат қилаётган, яъни фермер хўжаликларида мавсумий ишлаётган хотин-қизларнинг ойлик маошларидан олинадиган даромад солиғи бўйича маълум имтиёзларни бериш таклифи эса оилаларимиз фаравонлиги ошишига ҳисса қўшади. Бундан ташқари, мазкур таклиф хотин-қизларнинг меҳнатини қадрлашдек олийжаноб қадриятнинг ҳаётимиздаги аксидир.

Ўйлаймизки, партиямиз электорати томонидан тақдим этилган мазкур таклиф давлат Дастурида ўз аксини топади.      

Маъмура ТУРҒУНОВА,

Халқ депутатлари Наманган вилоят Кенгашидаги O’zLiDeP депутатлик гуруҳи аъзоси,

“Отабой сулоласи Отабек” фермер хўжалиги раҳбари

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!