Ўзбекистон фаол тадбиркорлари анжуманида ҳудудлардан видеоконференция орқали боғланган тадбиркорлар ҳам ўз саволлари билан фаол иштирок этмоқда. Қашқадарёлик тадбиркор Отабек Ахтамов мутахассислардан ўз саволига жавоб олган фаолларимиздан бири. 

– Демократик давлатда суд-ҳуқуқ тизимида, суд, тергов ва низоларни судгача ҳал этиш жараёнларида, адолатни тиклаш ва қарор топтиришда адвокатура институти алоҳида ўрин тутади, – дейди у. – Давлат Дастурида бу борада қандай вазифалар белгиланган ва улар табиркорлага, уларнинг фаолиятини енгиллаштиришга қандай таъсир кўрсатади?

– Давлат дастури доирасида низоларни судгача ҳал этиш масаласига алоҳида урғу берилган, – дейди O‘zLiDeP фракцияси аъзоси, Олий Мажлис Қонунчилик палатаси депутати Шуҳрат Бафаев. – Бу одамларимизни ортиқча югур-югур ва овворагарчиликлардан қутқаради. Бундан ташқари, фракциямиз билан тадбиркорлар учун бепул юридик хизмат кўрсатиш тўғрисидаги қонун лойиҳасини тайёрлаяпмиз. Бу тадбиркорлигини энди бошлаётган ёш йигит-қизларимиз фаолиятини ривожлантиришга хизмат қилади.

O‘zLiDeP матбуот хизмати

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!