“Sergeli Industrial Park” кичик саноат зонаси фаолиятини ташкил этиш чора-тадбирлари тўғрисида Ҳукумат қарори қабул қилинди
18.10.2019, 12:20
“Sergeli Industrial Park” кичик саноат зонаси фаолиятини ташкил этиш чора-тадбирлари тўғрисида Ҳукумат қарори (878-сон, 16.10.2019 й.) қабул қилинди. Бу ҳақда "Ҳуқуқий ахборот" канали хабар қилди.
Қарорга мувофиқ, “Sergeli Industrial Park” кичик саноат зонаси (http://lex.uz/docs/3866291) ҳудудида ДУК шаклида алоҳида Дирекция ташкил этиш орқали бошқарувнинг махсус тартиби жорий қилинди.
Дирекцияга бир қатор вазифалар юкланди. Хусусан, Дирекция буюртмачи функциясини бажаради, етакчи маҳаллий ва хорижий ташкилотларни жалб қилган ҳолда кичик саноат зонасининг бош режаси ишлаб чиқилишини ташкил этади.
Дирекция инвесторлар томонидан зиммасига олинган мажбуриятларни зарур тарзда бажарилишини назорат қилиш ҳуқуқига эга бўлади.
Қарорга кўра, кичик саноат зонаси ҳудудида жойлаштириш учун инвестиция лойиҳаларини танлаш Маъмурий кенгаш томонидан амалга оширилади.
Қарор билан Маъмурий кенгашга кичик саноат зонаси иштирокчиларига доимий фойдаланиш учун ер участкалари бериш тўғрисида қарор қабул қилиш ва ушбу ер участкасининг ҳар бир гектари учун тўлов миқдорини белгилаш ҳуқуқи берилди.
Ўхшаш янгиликлар
-
1 мартдан нималар ўзгаради?
28.02.2022, 17:20
-
Уй-жойга муҳтож хотин-қизларни уй-жой билан таъминлаш тартиби белгиланди
07.12.2021, 09:25
-
Суғориладиган ерларда ўзбошимчалик билан қурилиш қилган шахслар тўғридан-тўғри жиноий жавобгарликка тортилади
03.11.2021, 15:47
-
1 ноябрдан нималар ўзгаради
01.11.2021, 09:36
-
Мамлакатда ишбилармонлик муҳитини ривожлантиришга муносиб ҳисса қўшиб келаётган тадбиркорларнинг бир гуруҳига миннатдорчилик билдириш тўғрисида
20.08.2021, 09:26
Фикрингизни қолдиринг