Bir necha kun avval Namangan tumaniga O‘zLiDePdan saylangan deputat Sharifjon Davlatov hududdagi “Anjirzor” MFYda o‘z saylovchilari bilan amaliy muloqot tashkil etgan edi. Uchrashuvda hudud ahli tomonidan ichki yo‘llarni ta’mirlash  bo‘yicha murojaatlar kelib tushgan edi.

Uddaburon, ko‘pni ko‘rgan, fidoiy deputatimiz bu ko‘tarilgan muammoni yechimi yuzasidan izlandi va mutassaddi tashkilot rahbarlari oldiga masala nihoyatda jiddiyligini tushuntira oldi. Natijada  mazkur hududda joylashgan “Yoshlik”, “Barkamol”, “Bog‘” kabi 5 ta ko‘chadagi jami 2.5 km ichki yo‘llarga  shag‘al yotqizishga erishildi.

– Mahallamizda yog‘in-sochin kunlarda umuman yurib bo‘lmasdi, hatto ust-boshimizgacha loy bo‘lib ketardi, – deydi Anjirzor MFYda yashovchi Qodirali Yarashev. – Shu masalada o‘zimiz ishonch bildirib saylagan deputatimizga murojaat qilgan edik. Xalqning ishonchli vakili bu masalani izchillik bilan o‘rganib chiqib, mutasaddilarga deputatlik so‘rovi yubordi va muamoga tezda yechim topdi. Ochig‘i, saylovlarda haqiqatdan ham to‘g‘ri qaror qabul qilganimizga yana bir bor amin bo‘ldik.

Ilhomjon QAYuMOV,

O‘zLiDeP Namangan tuman kengashi

apparat rahbari

O‘zLiDePning Facebook hamda Instagram'dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!