Ўзбекистон Республикаси Президентлигига номзод Шавкат Мирзиёевнинг ишончли вакили Ўктамжон Ахуновнинг навбатдаги учрашуви Андижон шаҳридаги 1-сон мусиқа ва санъат мактабида вилоятда истиқомат қилаётган рус ва корейс миллатига мансуб аҳоли вакиллари учун бўлиб ўтди.

Халқ депутатлари вилоят кенгаши депутати Екатерина Смесова ташаббуси билан ташкил этилган мазкур учрашув аввалида мусиқа мактаби ўқувчилари ҳамда рус миллий маданият маркази фаоллари томонидан тайёрланган турли миллат анъаналарини акс эттирувчи кўргазма ҳамда бадиий дастур намойиш этилди. Ишончли вакил катта хурсандчилик билан кутиб олинди.

Кўтаринки кайфият билан бошланган учрашувда дастлаб O’zLiDeP вилоят Кенгаши раиси Хуршидахон Халилова ҳамда депутат, рус миллий маданият маркази директори ўринбосари Екатерина Смесовалар сўз олиб, номзод фаолияти даврида миллатлараро бағрикенглик янада мустаҳкамланганини алоҳида таъкидладилар.

Учрашув иштирокчилари учун бирдек тушунарли бўлган рус тилида олиб борилган очиқ мулоқот давомида номзоднинг айни кунга қадар босиб ўтган ҳаёт ва фаолият йўли атрофлича тушунтирилди.

-Мен журналистман, - дейди учрашув қатнашчиси Шефие Иманқулова. – Миллатим рус, рус оиласига улғайдим, аммо ўзбек оиласига келин бўлдим. Сўнгги беш йилда миллатлар ўртасидаги ҳамжиҳатлик сезилирли равишда ўсди. Мени бугун ҳеч ким ўзбек эмассан дея камситмайди. Ўзимни шу Ватаннинг, ўзбекларнинг қондоши деб биламан. Шу эркинликнинг ташаббускори бўлган Шавкат Мирзиёевга овоз бераман!

Рус тилида намойиш этилган видеоролик йиғилганларнинг гулдурос қарсакларига уланиб кетди.

O’zLiDeP Андижон вилоят Кенгаши

матбуот хизмати