“Бир депутат 100 аёлга кўмакчи” лойиҳаси доирасида амалга оиширилаётган ишлар таҳсинга сазовор. Қизилтепа туманидаги “Оқсоч” маҳалласида яшовчи 20 нафар эҳтиёжманд аёлларга ҳам шу лойиҳа доирасида кўмак берилди.

Туман депутати Н. Ҳамроев  тадбиркор И Абдуллаев билан биргаликда маҳалла оралаб, ижтимоий ҳимояга муҳтож оилаларга ҳар турдаги озиқ-овқат маҳсулотлари жамланмаси билан таъминлашди.

-Аёлларда ийманиш бор. Баҳоли қудрат тайёрлаган моддий кўмагимизни улар билан кўришиб, ҳол-аҳволини сўраб кейин тарқатсак, деган ҳаёлга бордик. Ҳарна кўнгил сўрасак, дедик-да, - дейди Халқ депутатлари Қизилтепа туман кенгаши депутати Н.Ҳамроев.

Дарҳақиқат, эзгуликка йўл кўнгилларнинг ичидан ўтади. Токи инсон  дунёнинг дарду ташвишида ёлғиз эмаслигини ҳис этса, ҳаётидан кўнгли тўқ яшайди.

М.Пирнафасова,

O'zLiDeP Навоий вилояти Кенгаши

матбуот котиби