O'zLiDeP Навоий вилояти ҳудудий партия ташкилоти “Аёллар қаноти” ҳамда Аёлларни реабилитация қилиш ва мослаштириш Навоий вилояти маркази ўртасида ҳамкорлик меморандуми имзоланди.

Ушбу икки ташкилот оғир ижтимоий аҳволга тушиб қолган хотин-қизларга ижтимоий-ҳуқуқий, психологик ёрдам кўрсатиш, уларни манзилли қўллаб-қувватлаш мақсадида ва тазйиқ, зўравонликдан жабр кўрган, ўз жонига суиқасд қилган ёки ўз жонига қасд қилишга мойиллиги бўлган хотин-қизларга аноним тарзда шошилинч тиббий, психологик, ижтимоий, педагогик, ҳуқуқий ва бошқа ёрдам кўрсатишда, оғир ижтимоий аҳволда қолган, шу жумладан оилавий муаммолар ва турмушида зўрлик ишлатилишига дуч келган хотин-қизлар ҳуқуқларининг кафолатларини таъминлашга кўмаклашишда, давлат органлари ва фуқаролик жамияти институтларининг хотин-қизларнинг ўз жонига суиқасд қилиш ҳолатларини ўрганиш, бундай ҳолатларнинг олдини олиш борасида ҳамкорликда иш олиб боради.

Расмий тадбирда иккала ташкилот вакиллари ўртасида хотин-қизларни қўллаб-қувватлаш тизимини янги босқичга кўтариш ва аёлларнинг жамиятдаги ўрнини янада юксалтириш ва мустаҳкамлаш, шунингдек, уларнинг ижтимоий ҳимоясини кучайтириш, оилавий зўравонликнинг олдини олиш, гендер тенгликни қарор топтиришга қаратилган муҳим чора-тадбирлар амалга оширишга келишиб олинди.

Ш.Шокирова,

O'zLiDeP Навоий вилояти Кенгаши

аёлларнинг сиёсий фаоллиги,

жамиятдаги ўрни ва мавқеини

ошириш бўлими мудири