Ҳар қандай жамиятнинг асосий кўзгуси – шубҳасиз бу хотин-қизлардир. Қайси бир соҳага кўз ташамайлик, хотин-қизларимиз ҳар бир жабҳада фаол ва ташаббускор.

Чимбойлик фермер, O’zLiDeP фаоли, “Ишбилармон аёл - 2020” кўрик-танловининг Ўзбекистон Республикаси босқичининг 2-ўрин соҳиби Гулнур Ақылбекова ҳам фермерлик фаолиятини 2017 йилдан бошлаган.

Беш йилдан буён бошқариб келаётган "Ақылбекова Гулнур"  фермер хўжалиги Чимбой туманида қизил мия илдизини етиштириш билан шуғулланиб келади.

Фермер опа бу билан чекланиб қолмай, 2017 йилнинг сентябрь ойида бўш турган объектга 271 млн сўмлик ва 17 нафар кишини иш билан таъминлаш мақсадида инвестиция киритиш шарти билан тендерда иштирок этди.

 Икки қаватли иморатнинг биринчи қаватида хизмат кўрсатиш ҳамда иккинчи қаватида кардиология ва терапия бўлими ташкил қилиниб, аҳолига сифатли хизмат кўрсатиб келмоқда.

Фермер Гулнур опа фаолиятини янада кенгайтириш мақсадида яқинда БМТ томонидан озиқ-овқат маҳсулотларини табиий ва сифатли ишлаб чиқаришга йўналтирилган лойиҳада қатнашиб, 250 млн сўмлик асбоп-ускуналарни келтирди, бугунги кунда аҳолига сифатли печенье маҳсулотларини чиқармоқда.

O’zLiDeP вакиллари, маҳалла хотин-қизлари тадбиркор опанинг фаолияти билан яқиндан танишдилар.

Тумандаги “Аёллар дафтари” да руйхатда турган 10 нафар хотин-қизнинг бандлиги таъминланди.

Шу ўринда таъкидлаш жоизки, партиямизнинг сайловолди дастурида ҳам тадбиркорликни қўллаб-қувватлашга йўналтирилган бир қатор мақсадлар ўрин олган. Партия вакиллари тадбиркор опанинг фаолияти билан яқиндан танишар экан, келгуси режалари, таклиф ва фикрлари билан ўртоқлашди.

O’zLiDeP Қорақалпоғистон Республикаси

Кенгаши матбуот хизмати