Депутат билан учрашувда ёғингарчилик кунларида жисмоний тарбия дарслари ўтилмаётгани айтилди
14.03.2018, 17:45
Шуманай туман “Бекжап” ОФЙ аҳолиси Халқ депутатлари туман Кенгашига O‘zLiDePдан сайланган депутат Бекберген Қидирниязов билан учрашди. Учрашувда 32-сонли умумий ўрта таълим мактабида спорт зали йўқлиги, бу эса ёғингарчилик кунларида жисмоний тарбия дарсларини ўтилмаслигига сабаб бўлаётгани таъкидлаб ўтилди.
Шунингдек, мулоқот давомида Шуманай туман сув тармоқлари корхонасидан ҳудудга ичимлик суви тортиб келинганига қарамай, 4 та хўжалик сув тармоғига уланмай қолгани айтилди. Бундан ташқари, сайловчилар Кимё шахобчасига тортиб келинган ичимлик суви тармоғидан труба тортиш орқали сув олиб келишда амалий ёрдам сўради.
– Ўғлим анчадан буён буйрак хасталигидан азият чекади, – дейди Ережеп Ҳалилаев. – Шифокорларнинг айтишича, уни тезда операция қилиш керак экан. Ўғлимни 2017 йилнинг декабрь ойида муддатли ҳарбий хизматга жўнатиш учун белгиланган 4 млн 218 минг сўмни тўлаганим сабабли, унинг операциясига пул топиб беролмаяпман. Ўзимиз сайлаган депут билан мулоқот ташкил этилаётганини эшитиб, катта умид билан бу ерга ошиқиб келдим. Депутатлар кўмаги билан ўғлимни даволатиб, уни яна ҳаётга қайтарсам армоним қолмасди.
Мулоқотда билдирилган барча мурожаатлар O‘zLiDeP депутати томонидан назоратга олинди ва мутасадди идораларга депутатлик сўрови юбориладиган бўлди.
O‘zLiDeP Қорақалпоғистон Республикаси
Кенгаши матбуот хизмати
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Жиззахлик мутасаддининг ҳисоботи танқидий-таҳлилий кўриб чиқилди
17.05.2024, 10:50
-
Мономарказ — касбга тайёрлашнинг самарали йўли
16.05.2024, 12:21
-
Қўрғонтепада қишлоқ хўжалигига мўлжалланган ерлардан самарали фойдаланиш ҳолати таҳлил қилинди
26.01.2024, 16:22
-
Депутат кўмагида аҳоли хонадонларига ичимлик суви етиб бормоқда
26.01.2024, 11:59
-
Депутатлик эшитуви танқидий-таҳлилий руҳда ўтди
26.01.2024, 11:57
Фикрингизни қолдиринг