Насиб этса, келаси ой O’zLiDeP сафига кирганимга йигирма йил тўлади. Кечагидек эсимда, дастлаб бу ҳаракат ташкил этилишидан аввал ташкилий гуруҳга аъзо бўлдик. Кечаю кундуз қаттиқ ишладик. Ниҳоят, партия тузилгач, менинг номзодимни вилоят кенгашига раҳбарликка тавсия этишди. Очиғини айтишим керак, бутунлай янги сиёсий кучни шакллантириш, аъзоларни тўплаш осон кечгани йўқ. Дастлабки йиллари шароит, маблағ йўқ, оғир пайтлар эди. Ҳали у, ҳали бу ёққа кўчиб, жойларда йиғилишларимизни ўтказиб, анча қийинчиликларни бошдан кечирдик. Биласиз, партиянинг кучи аъзолари сонига боғлиқ. Аммо ҳали тадбиркор ва фермерларнинг сиёсий онгги унчалик етарли эмасди ўшанда. Шу боис фидойи инсонларни ёнимизга олиб, соҳа вакилларига сиёсий тушунчаларни бериб, аъзолар сонини кўпайтириш учун қаттиқ ишлашга тўғри келган

Кўпчилик билади, мустақилликнинг илк йилларида тадбиркорлик қиламан, бизнесимни юритаман, деган юртдошларимиз жиддий тўсиқларга дуч келарди. Ишбилармон, фермер ёки хусусий мулк эгаларининг қонуний манфаатларини ҳимоя қилиш, уларни ҳар томонлама қўллаб-қувватлаш мушкул эди. Худди шундай даврда O‘zLiDeP сиёсий майдонга дадил кириб келди ва айтиш мумкинки, жуда қисқа муддатда кенг жамоатчилик ҳамда сайловчилар ишончини қозониб, мамлакатдаги етакчи сиёсий кучга айланди. Ҳозир вилоятда 1 050 дан ортиқ БПТ ишлаб турибди, 80 мингдан зиёд аъзоларимиз бор. Булар биз учун катта куч, таянч вазифасини бажаряпти.

Ўтган йиллар орасида ўзим гувоҳ бўлган воқеалар, ўзгаришлар худди кино лентасидек кўз олдимда бир-бир айланади. Айтиш мумкинки, йигирма йил ичида бу партия босқичма-босқич шаклланди, ўз электорати вакиллари манфаатини, ҳақ-ҳуқуқларини муносиб ҳимоя қила оладиган кучга айланди. Тасаввур қилинг, 20 йил кичик муддат эмас. Айниқса, инсон умрига қиёслаганда энг навқирон, ғайрат ва шижоатга тўлган дамлар бу.

Мен шундай шукуҳли, унутилмас сана арафасида кўп йиллардан бери бизнинг ёнимизда бир тану бир жон бўлиб хизмат қилаётган фидойи сафдошларимиз номини фахр билан тилга оламан. Аҳмадилло Тешабоев, Абдуҳошим Ҳайдаров, Фарҳод Турғунбоев (Оллоҳ раҳмат қилсин), Ҳабибулло ĕрматов, Аббос Аҳмедов, Алишер ƀафуров, Офарин Абдураҳмонов, Авазбек Тешабоев... Бу рўйхатни узоқ давом эттиришим мумкин. Улар умрини, бор куч-ғайратини шу сиё сий кучга, унинг оёққа туриб, қудрати юксалишига бағишлади.

Фурсатдан фойдаланиб, ҳар доим барча тадбирларимиз ҳамда катта сиёсий жараёнларда фаол иштирок этиб келаётган Фарғона давлат университетининг бир гуруҳ профессор ўқитувчилари, етук мутахассислар, иқтисодчилар, сиёсатчиларга миннатдорлик изҳор этаман.

Ўйлайманки, партиямиз бундан кейин ҳам янада жипслашади, ўзининг жарангдор номи, нуфузи билан эл ўртасида обрў-эътибор қозонаверади.

Раҳматулло КАМОЛОВ,

O’zLiDeP Фарғона вилоят кенгаши раиси