O‘zLiDeP Самарқанд вилоят кенгаши ташаббуси билан Жанубий кон бошқармаси Заркент шаҳарчасидаги маданият масканида ўзбек тили байрами бўлиб ўтди.

 Тадбир аввалида мамлакатимиз олтин хазинасига ҳисса қўшиб келаётган  кон ходимлари ўртасида диктантлар танлови ўтказилди.  Ғолибларга эсдалик ва қимматбаҳо совғалар тақдим этилди.  Сўнг билимдонларнинг викторина саволларига тезкор ва аниқ жавоб берганлари рағбатлантириди. Тизимда меҳнат қилаётган ишчи ходимлар фарзандларининг бадиий чиқишлари байрамона кайфият улашди.

Тадбир якунида тилимизни асраш, унинг гўзаллиги ва нафислигини англаш ҳамда келажак авлодларга етказиш барчамизнинг муқаддас вазифамиз экани таъкидланди.