O‘zLiDeР Тошкент шаҳар Кенгаши томонидан “Real Tex Tashkent” МЧЖда учрашув ташкил қилинди. Мазкур корхонада бошланғич партия ташкилоти фаолияти ҳам йўлга қўйилган.

Тадбирда O‘zLiDeР Тошкент шаҳар Кенгаши раиси, Халқ депутатлари Тошкент шаҳар Кенгаши депутати Равшан Фазилов, Шайхонтоҳур туман Кенгаши депутатлари, ушбу корхона раҳбарияти, ходимлари, туман ёшлари, тадбиркорлар, партия фаоллари иштирок этди.

Тадбида “Ўзбекистон-2030” стратегиясини “Ёшлар ва бизнесни қўллаб-қувватлаш йили”да амалга оширишга доир давлат дастурида тадбиркорликни янги босқичга олиб чиқиш бўйича қатор вазифалар кўзда тутилганлиги айтиб ўтилди. Шунингдек, ёшларга берилаётган эътибор, кенг имкониятлар ва бу борада амалга ошиилаётган ишлар, яритилаётган шароитлар, ёшларни тадбикорликка жалб қилиш, бандлигини таъминлаш, уларни жисмоний ва маънавий баркамол инсонлар этиб тарбиялаш борасида ҳам тўхталиб ўтилди.

Тадбирдан сўнг партия вакиллари мазкур масъулияти чекланган жамияти фаолияти билан танишдилар.