O‘zLiDeP Термиз туман Кенгаши депутатлик гуруҳи томонидан Ташқи меҳнат миграцияси тизимини такомиллаштириш, хорижда меҳнат фаолиятини юритаётган фуқароларга ёрдам кўрсатиш мавзусида Термиз тумани камбағалликни қисқартириш ва бандлик бўлими ҳисоботи тингланди.

Тадбирга хорижга чиқиб ишлаш истагидаги ёшлар ҳамда хорижда ишлаб қайтган фуқаролар ҳам таклиф қилинди.

Йиғилишда бандлик бош бошқармаси вакили Ғайрат Ишқобилов меҳнат миграциясидан қайтиб келган шахсларни реинтеграция қилиш, шу жумладан, уларнинг бандлигини таъминлаш, касбий малакасини ошириш ва тадбиркорлик ташаббусларини рағбатлантириш юзасидан туманда олиб борилаётган ишлар ҳақида маълумот берди.

Айтиш керакки, 2024 йилнинг ўтган уч ойи мобайнида жами 248 нафар фуқаро хорижий давлатлардан меҳнат миграциядан қайтган. Шулардан 149 нафарининг бандлиги таъминланган. Аммо 99 нафарининг эса турли сабабларга кўра бандлиги таъминланмай келаётганлиги очиқланди ва депутатлар ҳам айни масала борасидаги саволларни ўртага ташлади. 

Шунингдек, O‘zLiDeP Термиз тумани Кенгаши депутати Ў.Омонов фуқароларни хорижий ҳамкорлар билан биргаликда давлат-хусусий шериклик шартлари асосида касб-ҳунарга ва чет тилларига ўқитиш доирасидаги ҳамда хорижий компаниялар билан касбга ўқитиш ва иш билан таъминлаш тизимини ташкил этиш борасидаги Сурхондарё архитектура ва қурилиш техникумида йўлга қўйилган амалий ишлр ва келгусдаги режалар билан таништирди.

Хусусан, техникумида 5 та йўналиш бўйича 200 нафардан ортиқ ўқувчи таҳсил олмоқда. Қолаверса, техникум қошида қурилиш бўйича мутахассисларни тайёрлаш маркази ҳам ташкил этилган бўлиб, у ерда 6 та йўналиш бўйича 120 нафар тингловчилар касб-ҳунар сирларини эгаллашмоқда. Муассасада амалий дарслар учун махсус устахоналар мавжуд бўлиб, уларнинг барча замонавий техникалар билан таъминланган.

Яна 2 та йирик қурилиш корхоналари билан ҳам яқин ҳамкорлик ўрнатганимиз боис, тингловчилар амалиётни тўлиқ ушбу корхоналарда, қурилиш жараёнида ўрганишмоқда.

Эндиликда техникумдаги бўш ерларда балиқчилик, иссиқхоналар ташкил этиб, ушбу йўналишда ҳам ўқувчиларни ўқитишни йўлга қўйишни режалаштираяпмиз. Бундан ташқари, автомобилларга техник хизмат кўрсатиш, автомобил ювиш шахобчасини очиш бўйича ҳам лойиҳалар ишлаб чиқилган. Бунда тингловчилар ҳам ҳунар ўрганишади, ҳам пуллик хизмат кўрсатишади. Натижада эртага улар бемалол ўзларининг кичик тадбиркорлигини йўлга қўйишлари мумкин.

  O‘zLiDeP Сурхондарё вилояти Кенгаши

матбуот хизмати